ހަސަން ހަލީމް
27 ނޮވެމްބަރ 2022 - 08:49
0 comments
ބެލަރޫސްގެ ފޮރިން މިނިސްޓަރު ލަޑިމިއަރު މަކޭ ވަރަށް ކުއްލި ގޮތަކަށް އަވަހާރަވެއްޖެ އެވެ.
އޭނާ އަވަހާރަވެފައިވަނީ ޔޫކްރޭންގައި މިހާރު ހިނގަމުންދާ ހަނގުރާމައާ ގުޅިގެން ސުލްހައިގެ ސިއްރު ޕްލޭނަކާ މެދު މަޝްވަރާ ކުރަމުންދާ ކަމުގެ އަޑުތައް ފެތުރިފައި ވަނިކޮށް ޕޯޕްގެ މަންދޫބު އެންޓޭ ޖޮޒިއާ ބައްދަލުކުރެއްވިތާ އެއް ދުވަސް ފަހުންނެވެ.މާކޭ އަކީ އެގައުމުގެ ހާރިޖީ ވަޒީރުކަން ކުރައްވާތީ 10 އަހަރުވެފައިވާ ބޭފުޅެކެވެ. އޭނާ ކުއްލި ގޮތަކަށް އަވަހާރަވެފައިވާއިރު، މާދަމާ އާއި ހޯމަ ދުވަހު މިންސްކްގައި ވްލަޑިމިއާ ޕޫޓިންގެ ޚާރިޖީ ވަޒީރު ސަރްގެއި ލަވްރޯފް ހޯސްޓް ކުރެއްވުމަށް ވަނީ ހަމަޖެހިފައެވެ.ރަޝިއާއިން ވަނީ މާކޭގެ ކުއްލި މަރާއި ގުޅިގެން ހައިރާންވެފައިވާކަން ހާމަ ކޮށްފައެވެ.ލަޑިމިއަރު މަކޭ އަވަހާރަވުމަކީ ރަޝިއާއަށް ވަރަށް ބޮޑު ހިތާމައެއް ގޮތުގައި ތަރުޖަމާން ސިފަކުރައްވާފައިވެ އެވެ.މަކޭ އަވަހާރަވިއިރު އުމުރުފުޅްކީ 64 އަހަރެވެ. އަނބިކަނބަލަކާއި ތިން ދަރިކަލުން ދުނިޔޭގައި އެބަ ތިއްބެވި އެވެ.