ފައްޔާޒު، 2028 ގެ އެމްޑީޕީގެ ރިޔާސީ ޕްރައިމަރީގައި ވާދަކުރައްވަނީ

މަރިޔަމް އަނާ

23 ނޮވެމްބަރ 2024 - 19:31

0 comments

ކުރިއަށް އޮތް 2028ގެ ރިޔާސީ އިންތިހާބުގައި ވާދަކުރުމަށް އެމްޑީޕީން ނެރޭނެ ކެންޑިޑޭޓެއް ކަނޑައެޅުމަށް ބާއްވާ ރިޔާސީ ޕްރައިމަރީގައި ވާދަކުރައްވަން އެ ޕާޓީގެ ޗެއާޕާސަން ފައްޔާޒު އިސްމާއީލް ނިންމަވައިފި އެވެ.

އެމްޑީޕީގެ ގައުމީ މަޖިލިސް މެންބަރުން ހިމެނޭ ވަޓްސްއެޕް ގްރޫޕެއްގައި ފައްޔާޒު މިއަދު ވަނީ 2028ގެ ރިޔާސީ އިންތިހާބުގައި ވާދަކުރައްވަން ނިންމަވާފައިވާކަން ހާމަކުރައްވާފަ އެވެ. އެ ކަމުގައި އޭނާއަށް ތާއީދުކޮށްދެއްވުމަށް ވެސް އޭނާ އެދިވަޑައިގެންނެވި އެވެ.

ފައްޔާޒުގެ އިތުރުން، އެމްޑީޕީގެ ރައީސް އަދި ކުރީގެ ފޮރިން މިނިސްޓަރު އަބްދުﷲ ޝާހިދާއި ކުރީގެ ނައިބު ރައީސް ފައިސަލް ނަސީމް ވެސް ރިޔާސީ އިންތިހާބަށް ކުރިމަތިލައްވަން މަސައްކަތް ކުރައްވާ ކަމުގެ އަޑުތައް އިވެ އެވެ.

ދެހާސް އަށާވީސް ވަނަ ރިޔާސީ އިންތިހާބުގައި ވާދަކުރައްވާނެ ކަން މިހާތަނަށް އިއުލާން ކުރެއްވި ހަމައެކަނި ސިޔާސީ ލީޑަރަކީ ކުރީގެ ރައީސް އަބްދުﷲ ޔާމީނެވެ.