ބީއެމްއެލް މުވައްޒަފުންގެ ޗެރިޓީ ދުވުން ބާއްވައިފި

ހަސަން ހަލީމް

29 ނޮވެމްބަރ 2024 - 19:03

0 comments

ބީއެމްއެލް ސްޓާފް ޗެރިޓީ ރަންގައި ޑައިބެޓިކް އެސޯސިއޭޝަން އޮފް މޯލްޑިވްސްއަށް ފައިސާ ހަވާލު ކުރަނީ.

ބޭންކް އޮފް މޯލްޑިވްސް (ބީއެމްއެލް) ސްޓާފް ޗެރިޓީ ރަން ބާއްވައި ޑައިބެޓިކް ސޮސައިޓި އޮފް މޯލްޑިވްސްއަށް ފައިސާގެ އެހީތެރިކަން މިއަދު ފޯރުކޮށްދީފި އެވެ.

މިއަދު ހެނދުނު ހުޅުމާލޭގައި ބޭއްވި ޗެރިޓީ ރަން ނިންމާލުމަށް ފަހު އެ ޖަމިއްޔާއަށް ބޭންކުން ވަނީ 50،000ރ. ހަދިޔާ ކޮށްފަ އެވެ.

ކޮންމެ އަހަރަކު ވެސް ބާއްވަމުން އަންނަ ޗެރިޓީ ރަން ގައި މި އަހަރު 300 އަށް ވުރެ ގިނަ މުވައްޒަފުން ބައިވެރިވި އެވެ. މީގެ ތެރޭގައި އަތޮޅުތެރޭގައި ބޭންކުން ގާއިމްކޮށްފައިވާ ބްރާންޗްތަކުގެ ބައެއް މުވައްޒަފުންވެސް ބައިވެރިވިއެވެ.

މުޖުތަމައުއަށް ފައިދާހުރި މަސައްކަތްތައް ކުރާ ޖަމިއްޔާތަކަށް އެހީވުމަށް ބީއެމްއެލް މުވައްޒަފުންގެ ކްލަބުން އިސްނަގައިގެން ބާއްވާ "ބީއެމްއެލް ސްޓާފް ޗެރިޓީ ރަން" އަކީ 2017 ވަނަ އަހަރުން ފެށިގެން ބާއްވަމުން އަންނަ ހަރަކާތެކެވެ.