އުރީދޫ ބިލް ދެއްކުމާއި އެޑްއޮންސްއާއި ރީޗާޖް ވެސް މިހާރު އޮޓޯޕޭއިން

ހުނައިދާ ޔާސިރު

09 ޖޫން 2026 - 10:38

0 comments

އުރީދޫ މޯލްޑިވްސްއިން ވަނީ އުރީދޫ އެޕްގައި ފަސޭހަކަމާއެކު ބޭނުންކޮށްލެވޭ އައު "އޮޓޯޕޭ" ފީޗާއެއް ތަޢާރަފުކޮށްފައެވެ. މީގެ ސަބަބުން ކަސްޓަމަރުންނަށް ބިލްތަކަށް ފައިސާ ދެއްކުމާއި، ރީޗާޖް ކުރުމާއި، އެޑް-އޯންތައް ގަތުމުގެ ކަންކަން ފަސޭހަކަމާއެކު އޮޓޮމެޓިކުން ކުރެވޭނެއެވެ.

އުރީދޫ އިން ބުނި ގޮތުގައި ކަސްޓަމަރުންނަށް މެދުކެނޑުމެއްނެތި ފަސޭހަކަމާއެކު ހިދުމަތް ދިނުމަށްޓަކައި، "އެވީ" ގައި ސަޕޯޓް ސިސްޓަމެއް ވަނީ ހިމަނާފަ އެވެ. މީގެ ތެރޭގައި، އިތުރު އެހީތެރިކަން ބޭނުންވާ ހާލަތްތަކުގައި އޭއައި އެސިސްޓަންޓުން ލައިވް ކަސްޓަމާ ސާވިސް އެޖެންޓުންނަށް ފަސޭހަކަމާއެކު ބަދަލުކޮށްދިނުން ހިމެނެ އެވެ.

މީގެއިތުރުން، އޮފްލައިންވުމަށްފަހު ވެސް ކުރިން ދައްކަމުންދިޔަ ވާހަކަ މެދުކެނޑުމެއްނެތި ކުރިއަށް ގެންދެވޭނެ އިންތިޒާމުވެސް ހިމެނެ އެވެ.

އުރީދޫއިން ދޭ ހިދުމަތްތަކުގެ ފެންވަރު ރަނގަޅުކުރުމަށް ކުރާ މަސައްކަތުގެ ދަށުން، "އެވީ" ގައި ކަސްޓަމަރުންގެ ހިޔާލު ހޯދުމުގެ ނިޒާމެއް ވެސް ވަނީ ހިމަނާފަ އެވެ.

މި ފީޗާގެ ސަބަބުން ކޮންމެ މަހަކު ދައްކަންޖެހޭ ފައިސާ ނުވަތަ ކުރަންޖެހޭ ރީޗާޖްތައް ހަނދާނުގައި ބަހައްޓަން ކުރަންޖެހޭ މަސައްކަތުން ސަލާމަތްވެ، މެދުކެނޑުމެއްނެތި ހިދުމަތްތައް ބޭނުންކުރުމުގެ ފުރުސަތު ލިބޭނެ އެވެ.

މީގެ އިތުރުން، އޮޓޯޕޭގެ އެކި އޮޕްޝަންތަކުގެ ތެރެއިން ބޭނުންވާ ގޮތެއް އިހްތިޔާރުކޮށް، އޮޓޮމެޓިކުން ކުރާ މުއާމަލާތްތައް އުރީދޫ އެޕް މެދުވެރިކޮށް ސީދާ މެނޭޖްކުރުމުގެ ގާބިލުކަން ލިބޭނެ އެވެ.

އިތުރު މަޢުލޫމާތު ހޯދުމަށް އުރީދޫގެ ވާޗުއަލް އެސިސްޓަންޓް "އެވީ" އާ ޗެޓްކޮށްލެވޭނެ އެވެ. https://ore.do/evee