މަނަދޫއަށް ތަރައްގީގެ އާ ޒަމާނެއް އަންނާނެ ކަމުގެ އިޝާރާތް ރައީސް ދެއްވައިފި

ޢަބްދުﷲ ޖުނައިދު

29 ފެބުރުއަރީ 2024 - 13:36

0 comments

ނ. މަނަދޫ އަށް ކުރެއްވި ތާރީހީ ދަތުރުފުޅުގައި ރައީސް ޑރ. މުޙައްމަދު މުއިއްޒު ވަނީ އެރަށު ރައްޔިތުންގެ ދިރިއުޅުން ކުރިއެރުވުމަށް ހާއްސަ ސަމާލުކަމެއް ދީގެން މުޅި ރާއްޖޭގައި ބޯހިޔާވަހިކަމާއި އިންފްރާސްޓްރަކްޗާއަށް އިންގިލާބެއް ގެނައުމުގެ ބޮޑު ޕްލޭނުގެ ވާހަކަ ހާމަކުރައްވާފަ އެވެ.

މަނަދޫގެ ހަމަޖެހޭ އައްސޭރިފަށަށް އިރު އޮއްސުމާއެކު، ބޯހިޔާވަހިކަމުގެ ގޮންޖެހުންތަކަށް ހައްލެއް ހޯދައި، ކުރިން ނުފެންނަ ކުރިއެރުމާއި ތަނަވަސްކަމަށް މަގުފަހިކޮށްދެއްވާނެ ކަމަށް ވައުދުވެވަޑައިގެން، މުސްތަގުބަލަށް ކެރިގެން ތަސައްވުރެއް ފާޅުކުރެއްވި އެވެ. އެގޮތުން މިފަސް އަހަރު ނިމޭއިރު މަނަދޫވެސް ހިމެނޭހެން މުޅި ރާއްޖޭގައި ބޯހިޔާވަހިކަން ކަށަވަރު ނުވާނެ ހަމަ އެންމެ ދިވެއްސެއްވެސް ނުހުންނާނެކަމަށް ވިދާޅުވި އެވެ.

ފާހަގަކޮށްލެވޭ އަނެއް ކަމަކީ، ރައީސްގެ ތަސައްވުރު ބޮޑު އެޖެންޑާގެ މައިގަނޑު އެއް ކަމެއްގެ ގޮތުގައި މަނަދޫ ހިމެނޭ ޖިއޮގްރަގީ ފަރުގައި ހޮޅުދޫ ކައިރީގައިވާ ހޮޅުމީދޫ އަކީ ދިރިއުޅުމާއި ފުރުސަތުތަކުން ފުރިފައިވާ ދިރުމެއް ހުރި މުޖުތަމަޢަކަށް ބަދަލުކުރުމެވެ.

ހޮޅުމީދޫގެ ޕްލޭނިންގ މަސައްކަތް ކުރިއަށްދާއިރު، އެރަށުގެ މަގުތަކާއި ސްކޫލްތަކާއި ހޮސްޕިޓަލްތަކާއި ހަލަބޮލި ލޯކަލް ބަނދަރެއް ހިމެނޭ ގޮތަށް އެރަށަކީ އެންމެ ޒަމާނީ އިންފްރާސްޓްރަކްޗަރ އަށް ފަޚުރުވެރިވާ ކުރިއެރުމުގެ ބިއްލޫރިގަނޑަކަށް ވާން ތައްޔާރުވެފައިވާ ތަނެވެ.

ޑރ މުހައްމަދު މުއިއްޒު މިލަދުންމަޑުލު ދެކުނުބުރީ މަނަދޫ ކައުންސިލް މެންބަރުންނާ ވެސް ވަނީ މި ދަތުރުފުޅުގެ ތެރެއިން ބައްދަލުކުރައްވައިފައެވެ. މި ބައްދަލުކުރެއްވުން އޮތީ ރޭ މިލަދުންމަޑުލު ދެނުކުބުރީ މަނަދޫ އަސްވަރު އިމާރާތުގައެވެ.

މި ބައްދަލުކުރެއްވުމުގައި ކައުންސިލުންވަނީ ރަށުގެ ތަރައްޤީއަށްޓަކައި ކުރުމަށް ބޭނުންވާ ކަންކަމާއި، ރައްޔިތުންނަށް ދަތިވާކަންކަން ރައީސުލްޖުމްހޫރިއްޔާއާ ހިއްސާކުރައްވާފަ އެވެ. އެގޮތުން މިހާރު އޮތް ނަރުދަމާ ނިޒާމު ފެއިލް ވެފައިވާކަމަށާއި، އަލަށް އާބާދުވާ ސަރަހައްދުގައި ފެނާ ނަރުދަމާގެ ޚިދުމަތް ނެތްކަމުގައި ފާހަގަކުރެއްވިއެވެ. އަދި ޖެޓީ މަޝްރޫޢު ހިނގަމުންދާއިރު އެމަޝްރޫޢާއެކު ކުރިއަށްގެންދަން ބޭނުންވާ އިތުރުކަންކަން ކައުންސިލުން ފާހަގަކުރެއްވި އެވެ.

ހަމަ އެއާއެކު، ތެރެޕީގެ ހިދުމަތް އަތޮޅު ހޮސްޕިޓަލުން ލިބޭނެގޮތް ހައްދަވާދެއްވުމަށާއި، ސްޕޯޓްސް ކޮމްޕްލެކްސް ތަރައްޤީކޮށްދެއްވުމަށާއި، ކުޅިވަރުގެ ދާއިރާ ތަރައްގީކުރުމަށާއި، އައިސް ޕްލާންޓެއް ގާއިމުކުރުމަށް ބޭނުންވާކަމުގައި ކައުންސިލުން ފާހަގަކުރެއްވި އެވެ. މީގެ އިތުރުންވެސް ލޯކަލް މާރުކޭޓް ތަރައްގީކުރުމަށް ބޭނުންވާކަމަށްވެސް ކައުންސިލުން ފާހަގަކުރެއްވިއެވެ.

މި ބައްދަލުކުރެއްވުމުގައި ރައީސް ދެއްކެވި ވާހަކަފުޅުގައި، މަނަދޫގެ ފެނާ ނަރުދަމާއަށް ކުރިމަތިވާ މައްސަލަ ވަރަށް ސީރިއަސްކޮށް ނަގައިގެން ކުރިއަށްގެންދާނެކަމުގައި ވިދާޅުވި އެވެ. އަދި އިތުރަށް މަނަދޫ ކައުންސިލުން ފާހަގަކުރެއްވި ކަންކަން ބައްލަވައި، އެކަންކަން ކޮށްދެއްވުމަށް މަސައްކަތްކުރައްވާނެ ކަމުގައި ވިދާޅުވި އެވެ. އަދި މި ބައްދަލުކުރެއްވުމުގައި ބައިވެރިވެވަޑައިގެންނެވި ވަޒީރުންވަނީ ކައުންސިލުން ފާހަގަކުރެއްވި ކަންކަމުގައި ސަރުކާރުން ކުރައްވަމުން ގެންދަވާ މަސައްކަތްތަކުގެ އެންމެ ފަހުގެ މައުލޫމާތު ހިއްސާކުރައްވާފަ އެވެ.