ރައީސް އަށް ދިއްދޫއިން ހޫނު މަރުހަބާއެއް

އައިމިނަތު ޝިޔާޒާ

28 ޖެނުއަރީ 2025 - 22:31

0 comments

ރައީސް ޑރ. މުހައްމަދު މުއިއްޒު ދިއްދުއަށް ވަޑައިގަތުމުން އެ ރަށުން މަރުހަބާ ކިޔަނީ

ހއ. އަށް ކުރައްވާ ދަތުރުފުޅުގައި ރައީސް ޑރ. މުހައްމަދު މުއިއްޒު މިރޭ ދިއްދުއަށް ވަޑައިގަތުމުން ހޫނު މަރުހަބާއެއް ކިޔައިފި އެވެ.

ރައީސުލްޖުމްހޫރިއްޔާ ހއ. އަތޮޅުގެ ވެރިކަން ކުރާ ރަށް ދިއްދޫއަށް މިރޭ ވަޑައިގަތުމުން، އެރަށުން ވަނީ އެމަނިކުފާނަށް ހޫނު މަރުހަބާއެއް ދަންނަވާފައެވެ. އެގޮތުން ރައީސުލްޖުމްހޫރިއްޔާއާ ސަލާމްކުރެއްވުމަށް ބަނދަރު ސަރަޙައްދަށް ގިނަ އަދަދެއްގެ އާންމުން ވަނީ އެއްވެފައެވެ.

ރައީސް ދިއްދުއަށް ފައިބައިވަޑައިގަތް ވަގުތު އެ މަނިކުފާނާ ދެކޮޅަށް ވެސް ބަޔަކު އަޑު އުފުލި އެވެ.

ދިއްދޫއަކީ ހއ. އަތޮޅަށް އެމަނިކުފާނު ފައްޓަވާފައިވާ ދަތުރުފުޅުގެ ތެރެއިން ވަޑައިގެންނެވި 4 ވަނަ ރަށެވެ. ދިއްދޫއަށް ވަޑައިގެން އެރަށުގެ ރައްޔިތުންނާވެސް އެމަނިކުފާނު ބައްދަލުކުރެއްވުމަށް ވަނީ ހަމަޖެހިފައެވެ.

އެމަނިކުފާނުގެ މި ދަތުރުފުޅުގެ ތެރެއިން ހއ. އަތޮޅުން މިހާތަނަށް ވަޑައިގެންނެވި ރަށްތަކަކީ ހއ. މުރައިދޫ، ފިއްލަދޫ އަދި އުތީމެވެ.