ތައިލެންޑްގައި ހައްޔަރުކޮށްފައި ހުރި ދިވެއްސަކު މަރުވެއްޖެ

ހުނައިދާ ޔާސިރު

06 މާޗް 2026 - 17:27

0 comments

ޑްރަގު މައްސަލައެއްގައި ތައިލެންޑުގައި ހައްޔަރުކޮށްފައި ހުރި ދިވެހި ޒުވާނަކު މަރުވެއްޖެ އެވެ.

މަރުވެފައިވަނީ ތ. ގުރައިދޫ، ފަނާރު، އިބްރާހީމް ނަބީހް ނަސީމް (22އ) އެވެ.

ފުލުހުން ބުނި ގޮތުގައި އޭނާ ހައްޔަރުކުރީ މިދިޔަ ފެބްރުއަރީ މަހުގެ 22 ވަނަ ދުވަހު ޑޮން މުއަންގް އިންޓަނޭޝަނަލް އެއާޕޯޓުންނެވެ. ނަމަވެސް އިތުރު ތަފުސީލެއް ފުލުހުން އަދި ހާމައެއް ނުކުރެ އެވެ.

މި ހާދިސާއާ ގުޅިގެން ބަލަންޖެހޭ ކަންކަން ކަމާގުޅުންހުރި އިދާރާތަކާ ގުޅިގެން ބަލަމުންދާ ކަމަށްވެސް ފުލުހުން ބުނެފައިވެ އެވެ.

ތައިލެންޑަކީ ގިނަ އަދަދެއްގެ ދިވެހިން ޗުއްޓީ ހޭދަކުރުމަށް ދަތުރުކުރާ ގައުމެކެވެ. އެ ގައުމުގައި މަސްތުވާތަކެތީގެ މައްސަލަތަކުގައި މީގެ ކުރިން ވެސް ދިވެހިން ހައްޔަރުކޮށްފައިވެ އެވެ.