ނަސޭހަތުގެ ބޯޑު ހަރުކުރުމުގެ މަޝްރޫއު ފަށައިފި

ޔޫނުސް އިބްރާހިމް

14 ސެޕްޓެމްބަރ 2026 - 09:27

0 comments

ރާއްޖޭގެ ހުރިހާ ރަށެއްގެ މައި މަގުތަކާއި އާއްމު ތަންތަނުގައި ޒިކުރާއި ނަސޭހަތު ބޯޑު ހަރުކުރަނީ

ރާއްޖޭގެ ހުރިހާ ރަށެއްގަ ނަސޭޙަތުގެ ބޯޑުތައް ހަރުކުރުމަށް ރައީސް އިއުލާންކުރެއްވި މަޝްރޫއުގެ ދަށުން މާލެ އަތޮޅުގެ ރަށްތަކުގެ މަގުތަކުގައި ބޯޑު ހަރުކުރުމުގެ މަސައްކަތް ފަށައިފި އެވެ.

ރާއްޖޭގެ ހުރިހާ ރަށެއްގެ މައި މަގުތަކާއި އާއްމު ތަންތަނުގައި ޛިކުރާއި ނަސޭހަތުގެ ބޯޑުތައް ހަރުކުރުމުގެ މަޝްރޫއެއް ފައްޓަވާނެކަން ރައީސް ޑރ. މުޙައްމަދު މުޢިއްޒު ވަނީ އިއުލާނު ކުރައްވާފަ އެވެ.

އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސަޢީދު ވިދާޅުވީ ޛިކުރާއި ނަސޭހަތު ބޯޑުތައް ބެހެއްޓުމުގެ މަސައްކަތް ކ އަތޮޅުގެ ރަށްތަކުގައި މިއަދު ފަށާފައިވާ ކަމަށެވެ. މާލެ އަތޮޅުގެ ހުރިހާ ރަށަކަށް ބޯޑްތައް ފޮނުވާފައިވާކަން ވެސް މިނިސްޓަރު ފާހަގަ ކުރެއްވި އެވެ.

މިމަޝްރޫޢު ހިންގުމުގެ މައިގަނޑު ބޭނުމަކީ މިފަދަ ބޯޑުތަކާއެކު ހެޔޮކަންކަމުގެ ހަނދާން އައުކޮށްދީ ހެޔޮކަންކަން ކުރުމަށް ހިތްވަރުދީ ބާރުއެޅުމެވެ.