ޝައިހް ފަރީދުގެ ހަނދާނުގައި މިސްކިތެއް ބިނާކުރަނީ

އަބްދުﷲ މައުރޫފް

22 ސެޕްޓެމްބަރ 2026 - 08:53

0 comments

ރާއްޖޭގެ މަޝްހޫރު އިލްމުވެރިޔާ އަލްމަރްޙޫމް ޝައިޚް އިބްރާހީމް ފަރީދުގެ ހަނދާނުގައި ހުޅުމާލޭގައި މިސްކިތެއް ބިނާކުރުމުގެ އެއްބަސްވުމުގައި ސޮއިކޮށްފި އެވެ.

އިސްލާމީ ކަންތައްތަކާއި އަޢުޤާފާ ބެހޭ ވުޒާރާގައި ބޭއްވި ރަސްމިއްޔާތެއްގައި އެ ވުޒާރާއިން މި އެއްބަސްވުމުގައި ސޮއިކުރެއްވީ ވަޒީރު ޑރ. މުހައްމަދު ޝަހީމް އަލީ ސައީދެވެ. މި މިސްކިތް ބިނާ ކުރަނީ ހުޅުމާލެ ދެވަނަ ފިޔަވަހީގަ އެވެ.

މި މިސްކިތް ބިނާ ކުރުމަށް ހަމަޖެހިފައިވަނީ އިސްލާމީ ޢިލްމުގެ ލައިބްރަރީއަކާއި ޤުރުއާން ކިޔަވައިދެވޭނެ ކްލާސްރޫމްތަކާއެކު އެވެ.

ފަރީދުގެ ހަނދާނުގައި ބަންގްލަދޭޝްގައިވެސް ވަނީ މިސްކިތެއް ބިނާކޮށްފަ އެވެ. މި މިސްކިތަކީ އެއްފަހަރާ 300 އަށްވުރެ ގިނަ މީހުންނަށް ނަމާދު ކުރެވޭ މިސްކިތެކެވެ.

އުމުރުފުޅުން 53 އަހަރުގައި ޝައިހް ފަރީދު އަވަހާރަވީ މިދިޔަ އަހަރުގެ ޖޫން މަހުގެ 9ވަނަ ދުވަހު އެވެ.