އަލީ ރާޒީ
15 އޮކްޓޫބަރ 2024 - 18:54
0 comments
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ޗީފް ފައިނޭންޝަލް އޮފިސަރު (ސީއެފްއޯ)، އަހުމަދު ޝާމް މަގާމުން ވަކިވާން މެނޭޖްމަންޓުން އެންގުމުން، އިސްތިއުފާ ދީފި އެވެ.
ޝާމް އިސްތިއުފާ ދިން ސަބަބު އަދި އެނގިފައެއްނުވެ އެވެ. އަދި އިސްތިއުފާއާ ގުޅިގެން އެޗްޑީސީން މިހާތަނަށް ވަކި އެއްޗެއް ބުނެފައެއް ވެސް ނުވެ އެވެ.
އެޗްޑީސީއާ 2019 ގައި ގުޅުނު ޝާމް ވަނީ އިނގިރޭސިވިލާތުގެ ޔުނިވާސިޓީ އޮފް ގްރެނިޗްއިން އެކައުންޓިން އެންޑް ފައިނޭންސިން ދާއިރާއިން ބެޗްލާސް ޑިގްރީއެއް ހާސިލް ކޮށްފަ އެވެ.ސަރުކާރުގެ އިތުރުން ޕްރައިވެޓް ސެކްޓާގައި 2003 އިން ފެށިގެން މަސައްކަތް ކުރަމުންދާ ޝާމް ވަނީ މޯލްޑިވްސް އެއާޕޯޓްސް ކޮމްޕެނީގެ އެސޯސިއޭޓް ޖެނެރަލް މެނޭޖަރުގެ މަގާމު ވެސް ފުރުއްވާފަ އެވެ.އޭގެއިތުރުން، މޯލްޑިވްސް ހައްޖު ކޯޕަރޭޝަންގެ ހެޑް އޮފް އެކައުންޓްސް އެންޑް ފައިނޭންސްގެ މަގާމު ވެސް އޭނާ އަދާ ކުރެއްވި އެވެ.