ބީއެމްއެލްގެ އެހީގައި ދ. އަތޮޅު ތައުލީމީ މަރުކަޒުގައި ސްޓޫޑިއޯއެއް ހަދައިފި

ހުނައިދާ ޔާސިރު

05 މާޗް 2026 - 14:50

0 comments

ބީއެމްއެލްގެ އެހީގައި ދ. އަތޮޅު ތައުލީމީ މަރުކަޒުގައި ހުޅުވި ސްޓޫޑިއޯ - ފޮޓޯ/ބީއެމްއެލް

ބޭންކް އޮފް މޯލްޑިވްސް (ބީއެމްއެލް) އިން މިދިޔަ އަހަރު ކުރިއަށްގެންދިޔަ ބޭންކު ފަންޑް ކާމިޔާބުކުރި އެއް ފަރާތް ކަމަށްވާ ޔުނައިޓެޑް އިސްލާމިކް ސޮސައިޓީ (ޔޫއައިއެސް) އިން ދ. ކުޑަހުވަދޫގައި ހުންނަ ދ. އަތޮޅު ތައުލީމީ މަރުކަޒުގައި މަލްޓިމީޑިއާ ސްޓޫޑިއޯއެއް ހުޅުވައިފި އެވެ.

ދ. އަތޮޅު ތައުލީމީ މަރުކަޒުގެ ދަރިވަރުން މިހާރު ވެސް މީޑިއާ ކްލަބެއް ހިންގަ އެވެ. ނަމަވެސް މި ކްލަބްގައި އެކަށީގެންވާ ވަސީލަތްތައް ނެތުމުގެ ދަތިކަން ފާހަގަކުރެ އެވެ.

މި ޕްރޮޖެކްޓުގެ ދަށުން ޔޫއައިއެސްގެ އަމާޒަކީ، މި ސެންޓަރު މެދުވެރިކޮށް މީޑީއާ ދާއިރާގައި ދަރިވަރުންގެ ހުނަރާއި ތަޖުރިބާ އިތުރުކުރުމެވެ.

ބީއެމްއެލްއިން ބުނީ، މިސްޓޫޑިއޯ ބަލަހައްޓާނީ ސްކޫލާއި ޔޫއައިއެސް ޖަމްއިއްޔާގެ ހާއްސަ ޓީމަކުންކަމަށެވެ. އަދި މިތަނުގެ ބޭނުން އެންމެ ފުރިހަމަ ގޮތުގައި ހިފައި ދެމެހެއްޓެނިވި ގޮތެއްގައި އާމްދަނީ ލިބޭނެ ގޮތަށް ހިންގުމަށްޓަކައި ގަވާއިދުން ތަމްރީނު ދިނުމާއިއެކު އެކަށީގެންވާ ގޮތެއްގައި ތަން ބެލެހެއްޓޭނެ އިންތިޒާމް ހަމަޖެހިފައިވާކަމަށެވެ.

ބޭންކު ފަންޑަކީ ތައުލީމު، ތިމާވެށި، ކުޅިވަރު އަދި މުޖުތަމައު ކުރިއެވުމަށް މަޝްރޫއުތައް ހިންގުމަށް ބޭންކު ފަންޑަށް އެދި ހުށަހަޅާ ޖަމިއްޔާ ޖަމާއަތްތަކުގެ ތެރެއިން ހޮވާލާ ކޮންމެ ޖަމިއްޔާއަކަށް 200،000ރ.ގެ ހިލޭ އެހީ ލިބޭ ފަންޑެކެވެ.

މި ޕްރޮޖެކްޓުގެ ދަށުން ޔޫއައިއެސްގެ އަމާޒަކީ، މި ސެންޓަރު މެދުވެރިކޮށް މީޑީއާ ދާއިރާގައި ދަރިވަރުންގެ ހުނަރާއި ތަޖުރިބާ އިތުރުކުރުމެވެ. އެގޮތުން:

ވީޑިއޯ އުފެއްދުމަށް
އިވެންޓް ބްރޯޑްކާސްޓްކުރުމަށް
ވީޑިއޯ ރިޕޯޓް ހެދުމަށް
އެ މަރުކަޒުގެ ރަސްމީ ޔޫޓިއުބް ޗެނަލަށް ތައުލީމީ ކޮންޓެންޓް އުފެއްދޭނެ ތަމްރީނުދޭ އަދި އުފެއްދުންތެރި މަރުކަޒެއްގެ ގޮތުގައި މި ތަން ބޭނުންކުރެވޭނެ
މި މަރުކަޒުގެ ހިދުމަތް ރަށުގެ އެހެން އޮފީސްތަކަށާއި ކައިރި ރަށްރަށަށް ވެސް ފޯރުކޮށްދީ ގުޅިގެން މަސައްކަތްކުރުމުގެ މަގު ތަނަވަސްވެގެންދާނެ