ޑރ. އިބްރާހިމް އުމަރު މަނިކު އަވަހާރަވެއްޖެ

އަލީ ރާޒީ

26 ނޮވެމްބަރ 2020 - 10:01

0 comments

ރާއްޖޭގެ ޓޫރިޒަމްގެ އެންމެ ބޮޑު އެއް ކުންފުނި ޔުނިވާސަލް އެންޓަޕްރައިސަސްގެ އެއް ޑައިރެކްޓަރު އަދި ރާއްޖޭގެ އެންމެ ފުރަތަމަ ހޭނައްތާ ޑޮކްޓަރު، ޑރ. އިބްރާހިމް އުމަރު މަނިކު، ރޭ ފަތިހު، އަވަހާރަވެއްޖެ އެވެ.

ސިންގަޕޫރުގައި މަނިކު ރޭ ފަތިހު އަވަހާރަވީ ހިތްޕުޅުގެ އާލާސްކަންފުޅަކަށް ފަރުވާ ހޯއްދަވަމުން ގެންދަވަނިކޮށެވެ.

ޑރ.އިބްރާހިމް އުމަރު މަނިކު އަވަހާރަވިއިރު އުމުރުފުޅަކީ 68 އަހަރެވެ.

ޔުނިވާސަލްގެ ޑައިރެކްޓަރެއްގެ ގޮތުން ޓޫރިޒަމް އިންޑަސްޓްރީގައި މަސައްކަތްކުރެއްވުމުގެ އިތުރުން ޑރ. މަނިކަކީ ރާއްޖޭގެ ކޮކާ ކޯލާ ކުންފުނީގެ ވެރިޔާ އެވެ. މާލޭ އެރޭޓެޑް ވޯޓާ ކޮމްޕެނީއަކީ، 1985 މެދުތެރޭގައި އޭނާ އުފެއްދެވި ކުންފުންޏެކެވެ.