Recipe; Pizza paratha

ރެސިޕީ: ޕިއްޒާ ފަރާޓާ

އޭޝް

27 އޭޕްރީލް 2021 - 15:30

0 comments

ބޭނުންވާ ތަކެތި:

ފުށްގަނޑު ހެދުމަށް:

1/2 1 ޖޯޑު ފުށް

1/4 ސައި ސަމުސާ ލޮނު

2 މޭޒުމަތީ ސަމުސާ ތެޔޮ

1/2 ޖޯޑު ނުވަތަ ފުށްގަނޑު މަޑުކޮށް މޮޑެވޭ ވަރަށް ތާފަނާ ފެން

މަސްގަނޑު ތައްޔާރު ކުރުމަށް:

1/2 ދަޅު މަސް

1/4 ޖޯޑު ފިޔާ (ކިއުބްކޮށް ކޮށާފައި)

1/4 ޖޯޑު ބެލްޕެޕަރ (ކިއުބްކޮށް ކޮށާފައި)

1 ޓޮމާޓޯ (ކިއުބްކޮށް ކޮށާފައި)

1 މިރުސް (ކުދިކޮށް ކޮށާފައި)

1 ތޮޅި މިރުސް (ކުދިކޮށް ކޮށާފައި)

1/2 ސައި ސަމުސާ މުގުރި މިރުސް

ލޮނު (ރަހަ ލާ ވަރަށް)

1/4 ސައި ސަމުސާ އަސޭމިރުސް

1/4 ސައި ސަމުސާ އޮރިގާނޯ

1/4 ޖޯޑު ޗީޒް (ގާނާފައި)

4 ސައިސަމުސާ ޗިލީ ސޯސް

ތެޔޮ (ރޮށި ފިހާއިރު ބޭނުން ކުރުމަށް)

ތައްޔާރު ކުރާނެ ގޮތް:

ފުށާއި، ލޮނު އަދި ތެޔޮ ރަނގަޅަށް އެއްކޮށްލާށެވެ. އެއަށްފަހު، ފެން އަޅަމުން ފުށްގަނޑު މޮޑެލާށެވެ.

ފުށްގަނޑު ތައްޓަކަށް ލައި، މަތި ޖަހައިލުމަށްފަހު 8 މިނެޓު ވަންދެން ބާއްވައިލާށެވެ.

މަސްގަނޑު ތައްޔާރުކުރުމަށް ބޭނުންވާ ހުރިހާ އެއްޗެއް އެއްކޮށް މިކްސް ކޮށްލާށެވެ.

މޮޑުނު ފުށްގަނޑުން ކުދިކޮށް ގުޅަ ހަދައިލާށެވެ. އެއަށްފަހު ރޮށި ދަމާހެން ތުނިކޮށް، ވަށްކޮށް ދަމައިލާށެވެ.

ރޮށީގެ މައްޗަށް ތައްޔާރުކުރި މަސްގަނޑުން އެތިކޮޅެއް އަޅައި ފަތުރައިލާށެވެ. އެއަށްފަހު، ވަޅިއެއް ބޭނުންކޮށްގެން، ރޮށީގެ މެދުން ކައިރި އާއި ހަމައަށް ކަފައިލާށެވެ. އަދި ކަފައިލި ހިސާބުން ފެށިގެން ފުށްގަނޑު އޮޅަމުން އައިސް އެއްކޮށް އޮޅައިލާށެވެ. ދެން ރީތިކޮށް ދެއަތުގެ ތެރޭގައި ފުށްގަނޑު ފިއްތައިލާށެވެ.

މަސްއަޅައި ތައްޔާރުކުރި ފުށްގުޅަތައް ވަށްކޮށް ފަތުރައިލާށެވެ.

ތަވާ އުނދުން މައްޗަށް އުދައި ހޫނުކޮށްލާށެވެ.

ތަވަޔަށް 1 ސައި ސަމުސާ ތެޔޮ އެޅުމަށްފަހު، އޭގެ ތެރޭގައި ކޮންމެ ފަރާޓާއެއްގެ ދެފަރާތް ރީތިކޮށް ފިހެލާށެވެ.