ކޮމޭޑިއަން އިބްރާހީމްބެ ނިޔާވެއްޖެ

އިސްމާއިލް ރިޒާ

26 ޑިސެމްބަރ 2022 - 09:09

0 comments

އެކްޓަރު އަބްދުﷲ އަލީ

މަޝްހޫރު ޑްރާމާ ސީރީޒް "ދިރިއުޅުމަކީ މިއީބާ؟" ގެ އެކްޓަރު އަބްދުﷲ އަލީ (އިބްރާހީމްބެ) ނިޔާވެއްޖެ އެވެ.

އޭނާ ނިޔާވެފައިވަނީ އުމުރުން 58 އަހަރުގައެވެ. ނިޔާވީ ހޮސްޕިޓަލުގައި ފަރުވާ ދެމުން ގެންދަނިކޮށް ރޭގެ ދަންވަރުގެ ވަގުތެއްގައެވެ. ސިއްހީ ހާލު ދެރަވެ، އިބްރާހީމްބެއަށް ހޮސްޕިޓަލުގައި ފަރުވާ ދެމުން އަންނަތާ ދުވަސް ކޮޅެއްވެއްޖެ ކަމަށް މައުލޫމާތު ލިބެއެވެ.

އިބްރާހީމްބެ އަކީ އޭނަގެ އެކްޓިން އާއި ޑައިލޮގް ޑެލިވަރީ ވަރަށް ނެޗްރަލް ކަމަށް ގަބޫލުކުރާ ފަންނާނެކެވެ. އަދި "ދިރިއުޅުމަކީ މިއީބާ؟" ގެ އެންމެ ބޮޑު އެއް ދިރުމަކީ ވެސް އޭނަ އެވެ.

"ދިރިއުޅުމަކީ މިއީބާ؟" ގެ އިތުރުން އިބްރާހީމްބެ ވަނީ ބައެއް އިސްތިހާރުތައް ވެސް ކުޅެފައިވެ އެވެ.