އިލްމު އުނގެނުމުގެ މާތްކަން

އިބްރާހިމް އާދަމް

04 އޭޕްރީލް 2025 - 16:59

0 comments

ހެޔޮ ކަމަށް އެދޭ މީހުން ޝަރުއީ އިލްމު އުނގެނުމަށް ވަގުތު ހުސްކުރުން މުހިންމު ކަމަށާއި، އަހަރެމެންގެ އުމުރުން ކޮންމެ ދުވަހަކީ ވެސް އިލްމު އުނގެނުމަށް ވަގުތުކޮޅެއް ހޭދަކުރެވިދާނެ ދުވަހެއް ކަމަށް މިއަދުގެ ހުކުރު ހުތުބާގައި ބުނެފިއެވެ.

މިއަދުގެ ހުކުރު ހުތުބާގެ މައުޟޫއުއަކީ "އިލްމު އުނގެނުމުގެ މާތްކަން" މިއެވެ.

ހުތުބާގައި ވިދާޅުވީ، މާތް ﷲ އަށް އެންމެ ބޮޑަށް ބިރުވެތިވެ، ތަގްވާވެރިވާ މީހުންނަކީ، އިލްމު އުނގެނި އެ އިލްމާ އެއްގޮތަށް އަމަލުކުރާ މީހުން ކަމަށެވެ. މާތް ﷲ އިލްމުވެރީންނަށް ހާއްސަކަމެއް ދެއްވައިފައިވާ ކަމަށް ހުތުބާގައި ބުންޏެވެ.

"އިލްމު އުނގެނުނު އިލްމާ އެއްގޮތަށް އަމަލުކުރާ އިލްމުވެރިޔާގެ ފަރާތުން މީސްތަކުންނަށް ކުރާ މަންފާ ބޮޑުވާނެ. އެއާ ހިލާފަށް އަޅުވެރިޔާ ކުރާ އަޅުކަމުގެ ސަބަބުން މަންފާ ކުރާނީ ހަމައެކަނި އޭނާގެ އަމިއްލަ ނަފުސަށް." ހުތުބާގައި ބުންޏެވެ.

ހުތުބާގައި ބުނީ އިލްމުގެ މަގާމު މަތިވެރި ކަމަށެވެ. އިލްމު އުނގެނުމަށް، ނަބިއްޔާ ވަރަށް ބޮޑަށް ބާރު އެޅުއްވެވި ކަމަށާއި ބަދުރު ހަނގުރާމައިގެ އަސީރުން މިނިވަންވުމަށް ފިދުޔައިގެ ބަދަލުގައި މުސްލިމް ދިހަ ކުއްޖަކަށް ލިޔަންކިޔަން ދަސްކޮށްދިނުން ޝަރުތު ކުރެއްވުމުން އެކަން ދޭހަވާ ކަމަށެވެ.

މާތްﷲ އިލްމުވެރީންނަށް ހާއްސަކަމެއް ދެއްވައިފައިވާކަން ފާހަގަކޮށް ހުތުބާގައި ބުނީ އެހެނީ އުނގެނުނު އިލްމާ އެއްގޮތަށް އަމަލުކުރާ އިލްމުވެރިޔާގެ ފަރާތުން މީސްތަކުންނަށް ކުރާ މަންފާ ބޮޑުވާނެ ކަމަށެވެ. އަދި އެއާ ހިލާފަށް އަޅުވެރިޔާ ކުރާ އަޅުކަމުގެ ސަބަބުން މަންފާ ކުރާނީ ހަމައެކަނި އޭނާގެ އަމިއްލަ ނަފުސަށް ކަމަށް ވެސް ހުތުބާގައި ބުންޏެވެ.

ހުތުބާގައި ބުނީ އިލްމުގެ މަގާމު މަތިވެރި ކަމަށާއި، އިލްމު އުނގެނުމަށް، ކީރިތި ރަސޫލާ ވަރަށް ބޮޑަށް ބާރު އެޅުއްވެވި ކަމަށެވެ. އަދި ބަދުރު ހަނގުރާމައިގެ އަސީރުން މިނިވަންވުމަށް ފިދުޔައިގެ ބަދަލުގައި މުސްލިމް ދިހަ ކުއްޖަކަށް ލިޔަންކިޔަން ދަސްކޮށްދިނުން ޝަރުތު ކުރެއްވުމުން އެކަން ދޭހަވާ ކަމަށް ހުތުބާގައި ބުންޏެވެ.

އަދި އަހަރެމެންގެ ތެރޭގައި އެ ހެޔޮ ކަމަށް އެދޭ މީހުން ޝަރުއީ އިލްމު އުނގެނުމަށް ވަގުތު ހުސްކުރުން މުހިންމު ކަމަށާއި، އަހަރެމެންގެ އުމުރުން ކޮންމެ ދުވަހަކީ ވެސް އިލްމު އުނގެނުމަށް ވަގުތުކޮޅެއް ހޭދަކުރެވިދާނެ ދުވަހެއް ކަމަށް ހުތުބާގައި ބުންޏެވެ.

އެހެނީ އިލްމު އުނގެނުމަކީ ތިމާއަށާއި އެހެން މީހުންނަށް ނުހަނު ފައިދާއާއި ލާބަހުރި ކަމަކަށްވާތީކަމަށް ހުތުބާގައި ވަނީ ހަނދާންކޮށްދީފަ އެވެ. އަދި އެއީ އިލްމުވެރިޔާ މަރުވުމަށް ފަހުގައި ވެސް، އޭނާ އުނގެނި، އެހެން މީހުންނަށް ފޯރުކޮށްދީފައިވާ އިލްމެއްގެ ފައިދާ ކުރާނެތީ ކަމަށް ވެސް ހުތުބާގައި ބުންޏެވެ.

ހުތުބާގައި ބުނީ ނުދަނެ ހުރެ އަޅުކަންކުރާ މީހަކަށް، ބާތިލު ގޮތުގައި އަޅުކަމެއް ކުރުމަށް ޝައިތޯނާ ވިސްނައިދީފާނެ ކަމަށެވެ. އެކަމުގެ ސަބަބުން އޭނާ މަގުފުރެދި، އެހެންމީހުން ވެސް މަގުފުރައްދައިފާނެ ކަމަށް ބުންޏެވެ. އެހެނެއްކަމަކު އިލްމުވެރިޔާ މަގުފުރައްދާކަށް ޝައިތޯނާއަކަށް ފަސޭހައެއް ނުވާނެ ކަމަށާއި، އޭގެ ބަދަލުގައި އޭނާ، އޭނާއަށް ލިބިފައިވާ އިލްމުގެ މަތީގައި ސާބިތުވެ ހުރެ، އަނެކުން ވެސް ހެޔޮ މަގަށް އަޅުވަން މަސައްކަތްކުރާނެ ކަމަށް ހުތުބާގައި ބުންޏެވެ.

ދީނީ އިލްމު އުނގެނުން، ކޮންމެ މުސްލިމަކަށް ވެސް ވާޖިބު ކަމަށާއި، އިލްމު އުނގެނުމަށް، މާތްﷲގެ ރަސޫލާ އެހައި ބޮޑަށް ބާރުއަޅުއްވައިފައިވަނީ އެހެންވެ ކަމަށް ވެސް ހުތުބާގައި ބުންޏެވެ. އަދި އެ ކަމަށް އެދި ދުއާކުރުމަށް ވެސް ކީރިތި ގުރްއާނުގައި އަންގަވައިފައިވެ އެވެ.

"ދީނީ އިލްމު އުނގެނުން، ކޮންމެ މުސްލިމަކަށް ވެސް ވާޖިބުވެގެން ވެއެވެ. އިލްމު އުނގެނުމަށް، މާތް الله ގެ ރަސޫލާ ﷺ އެހައި ބޮޑަށް ބާރުއަޅުއްވައިފައިވަނީ އެހެންވެ އެވެ. އަދި އެ ކަމަށް އެދި ދުޢާކުރުމަށް ވެސް ކީރިތި ޤުރްއާނުގައި އަންގަވައިފައި ވެއެވެ." ހުތުބާގައި ބުނެފައިވެ އެވެ.