ދިވެހީންގެ ފަޚުރުވެރި ތާރީހުގެ ހެއްކަކީ ކާބަފައިން ދޫކޮށްފައިވާ އާސާރު: ރައީސް

އައިމިނަތު ޝިޔާޒާ

12 ސެޕްޓެމްބަރ 2024 - 14:50

0 comments

ދިވެހީންގެ ފަޚުރުވެރި ތާރީހުގެ ހެކިވެރިޔަކީ ކާބަފައިން ދޫކޮށްފައިވާ އާސާރީ ތަކެތިކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

ރައީސް މިހެން ވިދާޅުވެފައިވަނީ ގައުމީ ތަރިކައިގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގަ އެވެ.

އެ ޕޯސްޓްގައި ރައީސް ވިދާޅުވީ ދިވެހި ގައުމުގެ މިނިވަންކަމާއި އަމިއްލަވަންތަކަމާއި ފަހުރުވެރި ތާރީހުގެ އެންމެ ބޮޑު ހެކިވެރިއަކީ ކާބަފައިން ދޫކޮށްފައިވާ އާސާރީ ތަރިކަ ކަމަށެވެ.

ރާއްޖޭގައި ފުރަތަމަ ފަހަރަށް ޤައުމީ ތަރިކައިގެ ދުވަހެއް ފާހަގަކުރަނީ މިއަހަރެވެ. އެގޮތުން ފުރަތަމަ ޤައުމީ ތަރިކައިގެ ދުވަހުގެ ޝިޢާރަކީ "ތަރިކަ ރައްކާތެރިކުރުން، އުންމީދުގެ ހުޅުކޮޅު އަލުން ދިއްލުން" މި އެވެ.

މިދުވަސް ފާހަގަކުރަން ސަރުކާރުން ނިންމަވާފައިވަނީ މިދިޔަ ނޮވެމްބަރު މަހު ކުރީކޮޅު ކެބިނެޓުގައި މަޝްވަރާ ކުރުމަށްފަހު އެގޮތަށް ނިންމައިގެންނެވެ. އެގޮތުން މި ދުވަސް 12 ސެޕްޓެމްބަރުގައި ފާހަގަކުރަން ނިންމާފައިވަނީ އެދުވަހަކީ ސަގާފީ ތަރިކައިގެ ޤާނޫނު ވުޖޫދަށް އައި ތާރިޚު ކަމަށް ވުމާއެކުގަ އެވެ.