ޓެކްސީއެއްގައި ބަނގުރާ އުފުލިކަމުގެ ތުހުމަތުގައި ބިދޭސީއަކު ހައްޔަރުކޮށްފި

މަރިޔަމް އަނާ

24 ސެޕްޓެމްބަރ 2024 - 15:11

0 comments

ޓެކްސީއެއްގައި ދަތުރުކުރި ބިދޭސީއަކު ގިނަ އަދަދެއްގެ ބަނގުރަލާ އެކު ހައްޔަރުކޮށްފި އެވެ.

މިމައްސަލައިގައި ހައްޔަރުކޮށްފައިވަނީ ބަންގްލަދޭޝްގެ، ރަސުލް އުފާ ރިދޯއީ (30 އ) އެވެ.

ރިދޯއިގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރުމުން އިއްޔެ އެ ކޯޓުން ވަނީ އޭނާ 15 ދުވަސް ވަންދެން ބަންދުކޮށްފައި ބަހައްޓަން އަމުރު ކޮށްފަ އެވެ.

އޭނާ އާ ދެކޮޅަށް ފުލުހުން ވަނީ ސީސީޓީވީ ސްނެޕްޝޮޓުތަކާއި އެ ސީންއަށް ދިޔަ ފުލުހެއްގެ ބަޔާން ހުށަހަޅައިފަ އެވެ. ރިދޯއި ދަތުރު ކުރި ކާރުން ގިނަ އަދަދެއްގެ ބަނގުރާ ފެނިފައިވާ ކަމަށް ކޯޓުގައި ފުލުހުން ބުންޏެވެ. އޭނާއަކީ އެ ބާވަތުގެ ކުށުގެ ރިކޯޑު އޮތް މީހެއް ކަމަށް ވެސް ފުލުހުން ބުންޏެވެ.

ނަމަވެސް ކޯޓުގައި ރިދޯއި ބުނެފައި ވަނީ ބަނގުރާ ފެނުނު ޓެކްސީއަށް އޭނާ އެރީ ދަތުރެއް ކުރުމަށް ކަމަށާއި އެ ކާރަށް އެރިއިރު، އޭގައި ބަނގުރާ ހުރިކަން ނޭނގޭ ކަމަށެވެ.