އިމާދު ސޯލިހް އައްޑޫ ސިޓީ ކައުންސިލްގެ އެސްޖީ ކަމަށް

އަލީ ރާޒީ

26 ނޮވެމްބަރ 2024 - 13:37

0 comments

ނެޝަނަލް ޑްރަގް އެޖެންސީ (އެންޑީއޭ)ގެ ސީއީއޯގެ މަގާމުގައި ކުރިން ހުންނެވި އިމާދު ސޯލިހް، އައްޑޫ ސިޓީ ކައުންސިލްގެ ސެކްރެޓަރީ ޖެނެރަލަކަށް އައްޔަން ކޮށްފި އެވެ.

އިމާދު އެ މަގާމަށް ހަމަޖެއްސެވީ އެ މަގާމަށް ހުޅުވާލުމުން ކުރިމަތިލެއްވި ބޭފުޅުންގެ ތެރެއިން އެންމެ މަތީން މާކުސް ލިބިގެންނެވެ. އިމާދު ވަނީ އިއްޔެ މަގާމުގެ މަސްއޫލިއްޔަތާއި ހަވާލުވެވަޑައިގެންފަ އެވެ. އައްޑޫ ސިޓީ ކައުންސިލުން ވެސް ވަނީ އިމާދަށް މަރުހަބާ ކިޔާ ޕޯސްޓެއް ކޮށްފަ އެވެ.

އިމާދު އެންމެ ފަހުން ހުންނެވީ އެންޑީއޭގެ ސީއީއޯގެ މަގާމުގަ އެވެ. އެ މަގާމުގައި ހުންނަވައިގެން އެންޑީއޭގެ ހިންގުމަށް މުހިންމު ބަދަލެއްތަކެއް ގެންނެވި އެވެ. އެ އިދާރާއާ މެދު ގިނަ ކަންބޮޑުވުންތަކަށް ހައްލު ހޯއްދެވުމަށް ގިނަ މަސައްކަތްތަކެއް ކުރެއްވި އެވެ.

ސިޓީ ކައުންސިލްގެ އެސްޖީއަކަށް މަހަކު 20،500ރ. އަދި އެގްޒެކެޓިވް އެލަވަންސްގެ ގޮތުގައި 15،000ރ. ލިބެ އެވެ.