މުސާރަ ނުދޭ ކަމަށް ބުނެ ބިދޭސީން މުލިއާގެ ކައިރިއަށް

މަރިޔަމް އަނާ

07 ޑިސެމްބަރ 2024 - 13:37

0 comments

މުލިއާގެ ކައިރިއަށް އެއްވި ބިދޭސީން އިމިގްރޭޝަނުން ގެންދަނީ - ފޮޓޯ: ރާއްޖެޓީވީ

މުސާރަ ނުދޭ ކަމަށް ބުނެ މާލޭގައި މިއަދު އިހުތިޖާޖު ކުރަމުންދިޔަ 55 ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.

ފުލުހުން ބުނީ، ބިދޭސީންތަކެއް މުލިއާގެ ސަރަހައްދުގައި ހިތްހަމަނުޖެހުން ފާޅުކުރި މައްސަލައާ ގުޅިގެން ފުލުހުން އެ ސަރަހައްދަށް އެޓެންޑްވެފައިވާ ކަމަށެވާއި އިމިގްރޭޝަންގެ އޮފިޝަލުން ވެސް އެ ތަނުގައި ހަރަކާތްތެރިވި ކަމަށެވެ.

އެ އެއްވުމުގައި ބައިވެރިވެފައި ވަނީ ކޮން ކުންފުންޏެއްގައި މަސައްކަތް ކުރާ މީހުންނެއް ކަމެއް އަދި ނޭނގެ އެވެ.

ފުލުހުން ބުނީ އެ މީހުން މިހާރު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށާއި އޭގެ ތެރޭގައި ހިމެނެނީ އިންޑިއާގެ 38 މީހުންނާއި ބަންގްލަދޭޝްގެ 17 މީހުން ކަމަށެވެ.

ބިދޭސީން ރާއްޖެ ގެނައުމަށް ފަހު މަސައްކަތް ކުރުވައި، މުސާރަ ނުދޭ މައްސަލަތަކުގައި މީގެ ކުރިން ވެސް ބިދޭސީން މުޒާހަރާކޮށްފައިވެ އެވެ.