މާލޭ ކުރިކީލަ މަގުގައި ބިދޭސީއަކަށް ރޭ ހަމަލާދީ ޒަހަމްކޮށްލައިފި

އަހުމަދު ނިހާން

16 އޭޕްރީލް 2025 - 10:17

0 comments

މާލޭ ކުރިކީލަ މަގުގައި ބިދޭސީއަކަށް ރޭ ހަމަލާދީ ޒަހަމްކޮށްލައިފި އެވެ.

ފުލުހުން މިއަދު ބުނީ ކުރިކީލަ މަގުގައި އެ މީހާ އަށް ތޫނު އެއްޗަކުން ހަމަލާދީ މާރާމާރީ ހިންގި މައްސަލައިގެ ރިޕޯޓު ލިބުނީ ރޭ 12 ޖަހަނިކޮށް ކަމަށެވެ.

އެ މާރާމާރީގައި އަނިޔާވި ނޭޕާލް މީހާ އަށް އައިޖީއެމްއެޗުގައި އަންނަނީ ފަރުވާދެމުންނެވެ. އެކަމަކު އޭނާގެ ހާލު ސީރިއަސް ނޫން ކަމަށް ހޮސްޕިޓަލާ ހަވާލާދީ ފުލުހުން ބުންޏެެވެ.

އެ މައްސަލަ ފުލުހުން ތަހުގީގުކުރަމުން އަޔަސް މިހާތަނަށް މީހަކު ހައްޔަރެއް ނުކުރެ އެވެ.

ނޭޕާލް މީހާ އަަށް ހަމަލަދިން މީހާގެ އެއްވެސް މައުލޫމާތެއް ފުލުހުން އަދި ހާމައެއް ނުކުރެ އެވެ.

ނަމަވެސް ބުނީ މައްސަލަ އިތުރަށް ތަހުގީގު ކުރަމުންދާ ކަމަށެވެ.