ދަރިވަރަކާ ބެހުނު ޓީޗަރަކު ސަސްޕެންޑްކޮށްފި

އައިމިނަތު ޝިޔާޒާ

18 ފެބުރުއަރީ 2025 - 14:25

0 comments

މާލޭ ސަހަރައްދުގެ ސްކޫލެއްގައި އިސްލާމް ކިޔަވައިދޭ ޓީޗަރަކު ދަރިވަރަކަށް ޖިންސީ ގޯނާ ކުރި މައްސަލައެއްގައި އެޓީޗަރު ސަސްޕެންޑު ކޮށްފި އެވެ.

މިމައްސަލައިގެ ތުހުމަތުގައި ސަސްޕެންޑްކޮށްފައިވަނީ މާލެ ސަރަހައްދުގެ ސްކޫލެއްގައި އިސްލާމް ކިޔަވައިދޭ ޓީޗަރެކެވެ.

ޓީޗަރު ބެހިފައިވަނީ އޭނާއާ އާއިލީ ގުޅުމެއްވެސް އޮތް އުމުރުން 11 އަހަރުގެ ކުއްޖަކާ ކަމަށް އެނގިފައިވެ އެވެ.

ޓީޗަރުން ސަސްޕެންޑްކޮށްފައިވަނީ މައްސަލަ ފެންމަތިވިތާ ،މަހެއްހާ ދުވަސް ފަހުން އިއްޔެގެ ވަގުތެއްގައެވެ.

މިމައްސަލަ ތަހުގީގުކޮށް ޓީޗަރުގެ މައްޗަށް ދައުވާކުރަން ޕީޖީ އޮފީހަށް މައްސަލަ މިހާރު ފޮނުވާފައިވާ ކަމަށް މައުލޫމާތު ލިބިފައިވެ އެވެ.

ކުޑަކުދިންނަށް ކުރާ ޖިންސީ ގޯނާގެ މައްސަލަތައް ރާއްޖޭގައި ގިނަކަން ތަފާސްހިސާބުތަކުން ދައްކައެވެ. އެގޮތުން މިދިޔަ އަހަރު އެކަނި ވެސް ކުޑަކުދިންނަށް ކުރާ ޖިންސީ ގޯނާގެ 200އަށް ވުރެ ގިނަ މައްސަލަ އާއިލީ ތަރައްގީއާ ބެހޭ ވުޒާރާއަށް ހުށަހަޅާފައި ވެއެވެ.