ކޮންމެ ދިވެހި ދަރިޔަކީ ގައުމަށް މުހިންމު އަގުހުރި ދަރިއެއް: ރައީސް

އަލީ ރާޒީ

02 އޭޕްރީލް 2025 - 12:55

0 comments

ކޮންމެ ދިވެހި ދަރިޔަކީ މި ޤައުމަށް މުހިންމު އަގުހުރި ދަރިއެއް ކަމުގައި ރައީސް ޑރ މުހައްމަދު މުޢިއްޒު ވިދާޅުވެއްޖެ އެވެ.

އެ މަނިކުފާނު މިހެން ވިދާޅުވީ މިއަދު ފާހަގަކުރާ ދުނިޔޭގެ އޯޓިޒަމް ދުވަހުގެ ހެޔޮއެދުންތައް ފޮނުއްވައި އެ މަނިކުފާނުގެ ރަސްމީ އެކްސް އެކައުންޓުން ހިއްސާކުރެއްވި ޕޯސްޓެއްގައެވެ.

ކޮންމެ ދިވެހި ދަރިޔަކީ މި ޤައުމަށް މުހިންމު އަގުހުރި ދަރިއެއް ކަމަށާއި އޯޓިޒަމް ތަޙައްމަލުކުރާ ކޮންމެ ކުއްޖަކީވެސް ގައުމަށް މަންފާކޮށްދޭނެ އެތައް ހުނަރެއް ހުރި މޮޅު ކުދީންކަން ރައީސްގެ ޕޯސްޓުގައި ފާހަގަކުރައްވާފައިވެ އެވެ. އަދި އެ ކުދީންނަށް އަޅައިލުމާއި ލޯބިދިނުމަކީ ގަ އުމީ ވާޖިބެއް ކަމުގައި އެ މަނިކުފާނު ވިދާޅުވި އެވެ.

ބައިނަލްއަގުވާމީ ފެންވަރުގައި އޯޓިޒަމް ދުވަސް އެންމެ ފުރަތަމަ ފާހަގަކުރީ އެޕްރީލް 2، 2007 ގަ އެވެ.

އޯޓިޒަމާއި ގުޅޭގޮތުން ހޭލުންތެރިކުރުވުމުގެ ދުވަހުގެ މިއަހަރުގެ ޝިއާރަކީ "އެޑްވާންސިން ނިއުރޯޑައިވާސިޓީ އެންޑް ދަ ޔޫއެން ސަސްޓެއިނަބަލް ޑިވެލޮޕްމަންޓް ގޯލްސް" އެވެ.