ގުރުއާން ހިތުދަސްކުރި 50 ހާފިޒަކަށް އަންނަ އާދިއްތައިގައި އެވޯޑުދެނީ

ހަސަން ހަލީމް

26 ފެބުރުއަރީ 2026 - 11:45

0 comments

ކީރިތި ޤުރްއާން ހިތުދަސްކުރައްވައިގެން ރައީސުލްޖުމްހޫރިއްޔާގެ މެޑެއްޔާއި އިނާމު މިއަހަރު 50 ޙާފިޒުންނަށް ލިބިވަޑައިގަންނަވާނެކަމަށް ރައީސުލްޖުމްހޫރިއްޔާގެ އޮފީހުން ބުނެފި އެވެ.

ގުރުއާން ހިތުދަސްކުރާ ހާފިޒުންނަށް މީގެ ކުރިން ވެސް އިނާމު ދެ އެވެ. އެކަމަކު ކުރިން އެކަން ފާހަގަ ކުރަނީ އެހެން މުނާސަބާއަކާ ގުޅިގެން ބާއްވާ ހަފުލާއެއްގަ އެވެ. ހާފިޒުންނަށް ހާއްސަކޮށްގެން، ދަސްވެނިވުމުގެ ވަކި ރަސްމިއްޔާތެއް ފުރަތަމަ ފަހަރަށް ބޭއްވީ މިދިޔަ އަހަރު އެވެ.

ރައީސް އޮފީހުން މިއަދު ބުނި ގޮތުގައި، މި އަހަރުގެ އެ ރަސްމިއްޔާތު އޮންނާނީ އާދިއްތަ ދުވަހުގެ ރޭ އިސްލާމީ މަރުކަޒުގަ އެވެ.

ހާފިޒުކަމުގެ ސަނަދު މި ފަހަރު ރެކޯޑު އަދަދަކަށް މީހުން ވަނީ ހޯދާފަ އެވެ.

ސަރުކާރުގެ އަމާޒަކީ، މި 5 އަހަރުގެ ތެރޭގައި ކީރިތި ގުރުއާން ހިތުދަސް ކޮށްފައިވާ ޙާފިޒުންގެ އަދަދު 500 އަށް އެރުވުމެވެ. މިވަގުތު މާލެއާއި އަތޮޅުތަކުގައި 1500 އަށްވުރެ ގިނަ ފަރާތުން ގުރުއާން ހިތުދަސް ކުރުމުގެ މަސައްކަތް ކުރަމުންދާ ކަމަށް އިސްލާމީ ކަންތައްތަކާ ބެހޭ ވުޒާރާއިން ބުނެ އެވެ.