31 ހާފިޒުން ދަސްވެނިވެއްޖެ

މައިރާ އަހުމަދު

01 މާޗް 2026 - 23:50

0 comments

ގުރުއާން ހިތުދަސްކޮށް ހާފިޒު ކަމުގެ ސަނަދު ހާސިލްކުރި 31 ހާފިޒަކަށް ރައީސް ޑރ. މުހައްމަދު މުއިއްޒު މިރޭ ހަނދާނީ ލިޔުން ދެއްވައިފި އެވެ.

މިއަހަރުގެ ޙާފިޡުންގެ ދަސްވެނިވުމުގެ ރަސްމިއްޔާތަކީ މިހާތަނަށް އެންމެ ގިނަ އަދަދަކަށް ޙާފިޡުން ދަސްވެނިވެގެންދާނެ ރަސްމިއްޔާތެވެ.

މިއީ ރާއްޖޭގައި އެއްފަހަރާ އެންމެ ގިނަ ހާފިޒުން ދަސްވެނިވި ރަސްމިއްޔާތެވެ. އިސްލާމީ މަރުކަޒުގައި ބޭއްވި ރަސްމިއްޔާތުގައި 19 ފިރިހެން ހާފިޒުންނާއި 12 އަންހެން ހާފިޒުން ދަސްވެނިވި އެވެ.

ރައީސް މުއިއްޒު މިރޭ މެޑަލް އެރުވި ހާފިޒުންގެ ތެރޭގައި ހިމެނެނީ މިދިޔަ ރޯދަ މަހުން ފެށިގެން މިރޯދަ މަހުގެ ނިޔަލަށް ގުރުއާން ހިތުދަސްކޮށް، ގުރުއާނާ ބެހޭ ގައުމީ މަރުކަޒުން ކަނޑައަޅާފައިވާ ޝަރުތުތަކާ އެއްގޮތަށް ހިފްޒު އިމްތިހާނު ކޮމެޓީއަށް ކިޔައިދީފައިވާ ހާފިޒުންނަށެވެ.

ހާފިޒުންގެ ތެރެއިން ރައީސްގެ މެޑަލް ހާސިލްކުރި ހާފިޒުންނަށް ވެސް މިރޭ ވަނީ މެޑަލް ހަވާލުކޮށްފަ އެވެ.