ޑިމާންޑާ އެއްވަރަށް އައްޑޫއަށް ދަތުރުކުރާ ފްލައިޓްތައް އިތުރުނުކުރާތީ ކަންބޮޑުވުން

ހުސެން ރަޝީދު

07 މާޗް 2026 - 12:22

0 comments

ޑިމާންޑާ އެއްވަރަށް އައްޑޫ ސިޓީއަށް ދަތުރުކުރާ ފްލައިޓުތައް އިތުރުނުކުރާތީ އައްޑޫ މީދޫ ދާއިރާގެ އަމިއްލަ މެންބަރު އަބްދުއްރަހްމާން ކަންބޮޑުވުން ފާޅުކުރައްވައިފި އެވެ.

ސޯޝަލް މީޑިއާ ޕޯސްޓެއްގައި އޭނަ ވިދާޅުވީ އައްޑު އާއި މާލެއާ ދޭތެރޭ ދަތުރުކުރަން މިފަހަކަށް އައިސް އެއްގޮތަކަށް ވެސް މޯލްޑިވިއަން ފްލައިޓުން ޖާގައެއް ނުލިބޭ ކަމަށެވެ. އެކަމަލު ފްލައިޓްތަށް އިތުރެއް ނުކުރެވޭ ތާނގައި އެހެން ބަޔަކަށް އުދުހުމުގެ ފުރުސަތެއް ވެސް ނުދޭ ކަމަށް ވިދާޅުވި އެވެ.

ގަން އެެޕޯޓަށް ޝެޑިއުލް ދަތުރުކުރާ ހަމައެކަނި ރާއްޖޭގެ އެއާލައިނަކީ މޯލްޑިވިއަނެވެ.

އައްދު ވިދާޅުވި މި ރޯދަ މަހުގެ ފަހު 10 އާއި އީދު ބަންދަށް ވެސްް އާއިލާ ކައިރިއަށް ދާން އައްޑޫ މީހުންނަށްއެ ފުރުސަތެއް ނެތް ކަމަށެވެ.

"ފްލައިޓްތަކުގެ ދަތިކަން މިހާއޮންނައިރު މި ބޭފުޅުން އަމިއްލަ ދޯންޏަކަށް ހަދާ ގޮތަށް ކެމްޕޭން ދަތުރަށް ބޯޓުތަކުގެ ޝެޑިއުލް މި ބޭފުޅުންގެ ކޮންވިނިއަންސަށް އެބަ ބަދަލުކުރޭ، މިހެން ހެދުމުން އެންމެ ބޮޑު ގެއްލުމެއް ލިބެނީ ކަނެކްޓިން ފްލައިޓްތަކަށް އަރަން ތިބި މީހުންނަށް. ފްލައިޓް ލަސް އެބަކުރޭ ވަޒީރާއި މެންބަރު ފެންވަރާ ނިމެންދެން. މީޓިން ނިމެންދެން. ކޮފީ ނިމެންދެން،" އޭނާ ވިދާޅުވި އެވެ.

މޯލްޑިވިއަންގެ ފްލައިޓުތަކާ ގުޅިގެން އަބްދުއްރަހްމާން މި ކަންބޮޑުވުން ފާޅުކުރެއްވިއިރު، އެ އެއާލައިނުން ދަތުރުކުރާ އެތެރޭގެ މަންޒިލުތަކުގެ ތެރެއިން އެންމެ ގިނައިން ދަތުރުކުރާ މަންޒިލަކީ އައްޑޫ ސިޓީ އެވެ.