ޑައިވިން ދޯންޏެއްގައި ރޯވެ، ބޭނުން ނުކުރެވޭ ވަރަށް އަނދައިފި

އިބްރާހިމް އިމާދު

07 މާޗް 2026 - 15:27

0 comments

ރޯވެފައިވާ ދޯނި: ދޯނީގައި ވަރަށް ބޮޑަށް ރޯވެ ކަޅު ދުން އަރަމުންދޭ -- ފޮޓޯ/ އެމްއެންޑީއެފް

އައްޑޫ ސިޓީ ފޭދޫ ބަނދަރު ބޭރުގައި އަޅާފައި އޮތް ޑައިވިންގ ދޯންޏެއްގައި އަލިފާން ރޯވެއްޖެ އެވެ.

އެ ސަފާރީއެ އޮތީ ފޭދުއާ ދިމާލުގަ އެވެ. ބައެއް މީހުން ވަނީ އޭގައ އަނދާ މަންޒަރު ފެންނަ ވީޑިއޯތަކެއް ވެސް ސޯޝަލް މީޑިއާގައި ހިއްސާކޮށްފަ އެވެ. އެ ވީޑިއޯތަކުން ފެންނަ ގޮތުގައި ސަފާރީއެއްގައި ރޯވެ އަނދަމުންދާ އިރު، ކަޅު ބޯ ދުން އަރާ ތަން ވެސް ފެނެ އެވެ.

އެމްއެންޑީއެފުން ބުނީ، އައްޑޫ ސިޓީ ފޭދޫ ބަނދަރު ބޭރުގައި އަޅާފައި އޮތް ޑައިވިންގ ދޯންޏެއްގައި އަލިފާން ރޯވެގެން އެމްއެންޑީއެފް ސަދަން އޭރިއާ ކޮމާންޑުގެ ފަޔަރ ފައިޓަރުން ހަރަކާތްތެރިވަމުންދާ ކަމަށެވެ.

އެމްއެންޑީއެފުން ބުނީ، މި ހާދިސާ ހިނގި ތަނުގައި ފުލުހުން މިވަގުތު ހަރަކާތްތެރިވަމުންދާ ކަމަށެވެ.

އެނގިފައިވާ ލިބިފައިވާ ގޮތުގައި އެ ހާދިސާގައި އެއްވެސް މީހަކަށް އަނިޔާވެފައިނުވެ އެވެ. ނަމަވެސް ދޯނި ބޭނުން ނުކުރެވޭ ވަރަށް އަނދައިފައިވާ ކަމަށް މައުލޫމާތު ލިބިފައިވެ އެވެ.