އަނބި/ފިރިމީހާގެ ގޯތި އޮތަސް ގޯއްޗަށް ކުރިމަތިލާން ހުޅުވާލައިފި

ހުސެން ރަޝީދު

08 މާޗް 2026 - 13:31

0 comments

އަނބިމީހާ ނުވަތަ ފިރިމީހާގެ ނަމުގައި ބޯހިޔާވަހިކަން އޮތް ނަމަވެސް، ގޯތި ލިބޭ ސްކީމުގެ ދަށުން ބޯހިޔާވަހިކަމަށް ކުރިމަތިލުމަށް ހުޅުވާލައިފި އެވެ.

ހައުސިން މިނިސްޓްރީން މި ފުރުސަތު އަންނަ މަހުގެ ނިޔަލަށް ހުޅުވާލާފައިވާއިރު ފޯމު ހުށަހަޅަން ޖެހެނީ 'ބޯހިޔާވަހިކަން ޕޯޓަލް' މެދުވެރިކޮށެވެ.

"ގޯތި ގެދޮރު" ޕްރޮގްރާމްގައި ހުޅުވާލާފައިވަނީ ހަމައެކަނި ގޯތި ކުރިމަތިލުމުގެ ފުރުސަތަށެވެ. މިކަމާ ގުޅޭ އުސޫލާއި، ހުށައަޅަންޖެހޭ ލިޔެކިޔުންތަކުގެ ތަފްސީލާއި ޕޮއިންޓްދިނުމުގައި ބަލާނެ ކަންކަމުގެ ތަފްސީލްތައްވެސް ގެޒެޓުގައި ވަނީ އާއްމުކޮށްފަ އެވެ.

އަނބިމީހާ ނުވަތަ ފިރިމީހާގެ ނަމުގައި ބޯހިޔާވަހިކަން އޮތް ނަމަވެސް، ބޯހިޔާވަހިކަމަށް ކުރިމަތިލުމަށް ހުޅުވާލަން ނިންމީގޯތި ދެދޮރުގެ ތަނަވަސްކަން ހުރިހާ ރައްޔިތުންނަށް ފަހިކޮށްދިނުމަށް ކަމަށް ރައީސް މުހައްމަދު މުއިއްޒު ވަނީ ވިދާޅުވެފަ އެވެ.