ފައިމަގުގައި ބްރިޖް ހުރަސްކޮށް ހުޅުލެ އާއި ހުޅުމާލެއަށް ދާނަމަ ފިޔަވަޅު އަޅަން ނިންމައިފި

އަބްދުﷲ މައުރޫފް

27 ސެޕްޓެމްބަރ 2026 - 10:14

0 comments

ސިނަމާލޭ ބްރިޖު ހުރަސްކޮށް ހިނގާފައި ހުޅުލެ އާއި ހުޅުމާލެ ދިއުމަކީ މަނާ ކަމެއްކަން ހަނދާންކޮށްދީ އެކަން އެގޮތަށް ކުރާ ނަމަ ފިޔަވަޅު އަޅާނެކަމުގެ އިންޒާރު ފުލުހުން މިއަދު ދީފި އެވެ.

ފުލުހުން ބުނީ އެގޮތަށް ބައެއް ފަރާތްތަކުން ބްރިޖް ހުރަސްކޮށް ހުޅުލެ އަދި ހުޅުމާލެއަށް ދާކަން ފާހަގަކުރެވިފައިވާ ކަމަށެވެ. އަދި ސިނަމާލެ ބުރިޖާއި ހުޅުލެ އަދި ހައިވޭއާ ގުޅޭ ޓްރެފިކް ލައިޓް ހިމެނޭ ސަރަޙައްދުގައި ނުރައްކާތެރި އެކްސިޑެންޓުތައް މަދުކުރުމަށްޓަކައި ފުލުހުން ވަނީ ބްރިޖްގެ ވޯކްވޭ ލައިޓާއި ހިސާބުން ބަންދުކޮށްފަ އެވެ.

އެހެންވެ ފުލުހުން ވަނީ އާންމުންގެ ސަލާމަތާއި ރައްކާތެރިކަން ކަށަވަރުކުރުމަށް އެ ސަރަހައްދުގައި "ހިނގާބިނގާވެ އުޅުން މަނާކަން އަންގައިދޭ ނިޝާން" ހަރުކޮށްފަ އެވެ.

ފުލުހުން ބުނީ އެ ބޯޑުތަކާއި ނިޝާންތައް ހުރަސްކޮށްދާ މީހުންނާ މެދު ގަވާއިދުގެ ތެރެއިން ފިޔަވަޅު އަޅަމުންގެންދާނެ ކަަމަށެވެ.