އުމްރާ އަށް ގެންދާ ކުންފުނިތައް އިއުލާންކޮށްފި

އައިމިނަތު ޝިޔާޒާ

22 ނޮވެމްބަރ 2024 - 12:50

0 comments

ރާއްޖެއިން ޢުމްރާއަށް މީހުން ގެންދިއުމުގެ ހުއްދަ ދެވިފައިވާ ކުންފުނިތަކުގެ ލިސްޓް އިސްލާމިކް މިނިސްޓްރީން އާންމުކޮށްފި އެވެ. އާންމުކުރި ލިސްޓުގައި 57 ކުންފުންޏެއް ހިމެނެ އެވެ.

މިނިސްޓްރީން ބުނީ މިދިޔަ އަހަރާއި މި އަހަރުގެ މިހާތަނަށް އުމްރާ އަށް މީހުން ގެންދިއުމުގެ ހުއްދަ ދީފައިވާ ކުންފުނިތަކުގެ ތެރެއިން މި އަހަރު އަލަށް ހުއްދަ ދީފައި ވަނީ 14 ކުންފުންޏަކަށް ކަމަށެވެ.

މިހާރު ވަރަށް ގިނަ ބަޔަކު އެ ކުންފުނިތަކުގެ ހަވާލުގައި އުމްރާ އަށް ދާތީ ހުއްދަ އޮތް ކުންފުންޏެއްކަން ކަށަވަރު ނުކޮށް ފައިސާ ނުދެއްކުމަށް އެދިފައިވެ އެވެ. މިނިސްޓްރީން ބުނީ އެއާ ހިލާފަށް އަމަލުކޮށްގެން އެއްވެސް މައްސަލައެއް ދިމާވެއްޖެ ނަމަ، އޭގެ ޒިންމާ ނަގަންޖެ ހޭނީ ފައިސާ ދެއްކި ފަރާތަކު ކަމަށެވެ.