އެފްއޭމް އިން ނުދައްކާ އޮތް ފަސް ލައްކަ ރުފިޔާ ދެއްކުމަށް ހުކުމްކޮށްފި

އަލީ ރާޒީ

01 ނޮވެމްބަރ 2023 - 18:24

0 comments

އެފްއޭއެމްގެ ރައީސް ބައްސާމް އަދީލް ޖަލީލް - ފޮޓޯ: މިހާރު

އެފްއޭއެމް އިން ބީހައިވް ހޮޓެލްސްއަށް 32،426 އެމެރިކާ ޑޮލަރު -- 498،712 ދިވެހި ރުފިޔާ ދައްކަން ހުކުމްކޮށްފި އެވެ.

ދައުވާ އާ ގުޅޭ ގޮތުން އެފްއޭއެމް އިން ބުނެފައިވަނީ އެ ފައިސާ އެފްއޭއެމުން ނުދެއްކިވަނީ، އެސޯސިއޭޝަން މާލީގޮތުން ދަށްވުމުގެ ސަބަބުން ކަމަށާއި ބައިނަލް އަގުވާމީ ޖަމިއްޔާތަކުން ލިބެން ޖެހޭ ފައިސާ އެ ދުވަހާ ހަމައަށް ލިބިފައި ނުވާ ކަމަށް އެފްއޭއެމް އިން ވަނީ ޝަރީއަތުގައި ބުނެފައެވެ. ދައުވާގައި ބުނާ 32،426 އެމެރިކާ ޑޮލަރު ދޭންޖެހޭ ކަމަށް އެފްއޭއެމުން ވަނީ އެއްބަސްވެފައެވެ. އެއި ދިވެހި ރުފިޔާއިން ބަލާނަމަ ފަސް ލައްކަ ރުފިޔާއެވެ. ނަމަވެސް ގެއްލުމުގެ ބަދަލުގެ ގޮތުގައި ހޯދަން ބީހައިވް އިން ހުށަހަޅާފައިވާ ދެ ޕަސެންޓު ދެއްކުމަށް އެފްއޭއެމުން އިންކާރު ކުރިއެވެ. އެ އެސޯސިއޭޝަނުން ބުނީ ފަހުން ދައްކާގޮތަށް ބީހައިވް އިން ފައިސާ ދޫކޮށްފައިވީ ނަމަވެސް އެ ފައިސާ ނުދެއްކޭ ހާލަތުގައި ގެއްލުމުގެ ބަދަލު ދިނުމަށް އެފްއޭއެމުން އެއްބަސްވެފައި ނޯންނާނެ ކަމަށެވެ.

ހަމައެއާއެކު ބީހައިވް ހޮޓްލްސްއިން ދައުވާގައި ހޯދުމަށް އެދިފައިވާ ފައިސާ އަކީ ރާއްޖޭގެ ފުޓްބޯލް އެސޯސިއޭޝަން، އެފްއޭއެމަށް މިވަގުތު ދިމާވެފައިވާ ހާލަތުން އެކީ އެއްފަހަރާ ދެއްކޭނެ ފައިސާއެއް ނޫން ކަމަށާއި އެ ދަރަނި އެއް އަހަރު ދުވަހަށް ބަހާލައިގެން ދެއްކުމަށް އަމުރުކޮށްދިނުމަށްވެސް އެފްއޭމުން ވަނީ އެދިފައެވެ.

އެފްއޭއެމްއާ ގުޅޭ ވަރަށް ގިނަ މައްސަލަތައް ކޯޓުގައި މިހާރުވެސް ދަނީ ހިނގަމުންނެވެ. އަދި ބައެއް މައްސަލަތަކުގައި މީގެކުރިން ހުކުމްވެސް ކޮށްފައިވެ އެވެ.

އެފްއޭއެމްއަށް އެކި ފަރާތްތަކުން އެހީއާއި ސްޕޮންސާ ގޮތުގައި ދިން ފައިސާއަށް އެތަނުގެ ވެރިން ހިޔާނާތްތެރިވެފައިވާ ކަމަށް ބުނާ އެތައް މައްސަލަތަކެއްގައި އާންމުން ވާހަކަދައްކަމުން ދަނިކޮށް މިމަހުގެ 22 ވަނަ ދުވަހު ކުއްލި ގޮތަކަށް ފުލުހުން ވަނީ އެފްއޭއެމް ހައުސްއަށް ވަދެ މައްސަލަ ތަހުގީގުކުރަން ފަށާފަ އެވެ.

ފުލުހުން ތުހުމަތުކުރާ ބައެއް މައްސަލަތަކުގެ ހެކިތަކެއް ފުލުހުން ހޯދާފައިވާ ކަމަށްވެސް މައުލޫމާތު ލިބެ އެވެ.