މީގެ އިތުރުން މުއިއްޒުގެ ވެރިކަމުގައި ވަނީ ކަނޑުގެ ސަލާމަތީ ގާބިލްކަން އިތުރުކުރުމަށް އެންމެ ޒަމާނީ ޑްރޯން ޓެކްނޮލޮޖީ ހޯދައި، ތުރުކީފަދަ އެކުވެރިންނާ އެކު ސްޓްރެޓެޖިކް ޕާޓްނަޝިޕްތައް ހަދައިފަ އެވެ. ދިވެހި ޑްރޯން ކެޕޭސިޓީތަކަށް އިންވެސްޓްކޮށްގެން، ސަރަހައްދީ ކަނޑުގެ ކޮންޓްރޯލް ވަރުގަދަ ކުރުމަށް ރައީސް މުއިއްޒު މިއެޅުއްވީ ސީދަ ޕްރޮއެކްޓިވް ފިޔަވަޅެކެވެ. ގައުމީ މަސްލަހަތު ރައްކާތެރިކުރުމަކީ މިއީ އެވެ.

• 18،000 - 25،000 ފޫޓު މަތިން އުދުހެވޭނެ
• 300 ކިލޯމީޓަރު ދުރުން މަރުކަޒަށް މައުލޫމާތު ފޯރުކޮށްދޭނެ
• ހުއްޓުމެއް ނެތި 27-50 ގަޑިއިރު އުދުހުމުގެ ގާބިލްކަން
• ބޭނުންނަމަ ހަތިޔާރު ހަރުކުރެވޭނެ
• ޑްރޯންގެ ބޮޑުމިން 21 ފޫޓު
• 70-120 ކިލޯމީޓަރުގެ ބާރުމިނުގައި އުދުހެވޭނެ
• ނައިޓް ވިޝަން ރޭގަނޑު ވެސް ވަގުތުން އިމޭޖާއި ވީޑިއޯ ފޮނުވާނެ

ތާރީހީ ބޮޑު ނިންމުމަކާއެކު ރައީސް މުއިއްޒު ވަނީ މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އަށް "ދަ އެއާ ކޮޕްސް" ތަޢާރަފްކޮށް، ޑިފެންސް އިންފްރާސްޓްރަކްޗަރ ޒަމާނީކޮށްދެއްވާފަ އެވެ. މިއީ އުފެދިފައިވާ ސަލާމަތީ ގޮންޖެހުންތަކަށް ފައިދާހުރި ގޮތެއްގައި ރައްދު ދިނުމުގެ ޤާބިލުކަން އިތުރުކުރުމަށް މުއިއްޒު ވެވަޑައިގެންނެވި ވަޢުދުގެ މައްޗަށް އަލިއަޅުވާލާ ކަމެކެވެ. ޤައުމީ އިސްތިޤްލާލަށް ރައީސް މުޢިއްޒުގެ ފަސްނުޖެހޭ ޚިދުމަތްތެރިކަމަކީ ކުރީގެ ވެރިކަމުގައި ގިނަ ފަހަރަށް ޢަމަލުތަކަށްވުރެ ވާހަކަ ދެއްކުން ގިނަކޮށް ގައުމިއްޔަތާ ދޭތެރޭ ފަރުވާ ނުބެހެއްޓި ވެރިކަމާ ވަރަށް ތަފާތު ކަމެކެވެ. ނިންމާ ފިޔަވަޅުތަކާއި ސްޓްރެޓެޖިކް ޕާޓްނަޝިޕްތަކުގެ ތެރެއިން މުއިއްޒު ވަނީ މިނިވަން ގައުމެއްގެ ގޮތުގައި ޕްރޯ މޯލްޑިވްސް އެއްގެ ފުރިހަމަ ގާބިލްކަން ހާސިލް ކުރުމަށް ހަގީގީ މަންޒަރެއް ދައްކާފައެވެ. 

މިރައީސް ވެރިކަމާ ހަވާލުވެ ވަޑައިގެންނެވިތާ 150 ދުވަސް ނުވަނީސް މިފެނުނީ އަސްލު ގައުމިއްޔަތު ކުރިޔަށް ނެރުނު މަންޒަރެވެ. ބަހާއި އަމަލު ދިމާކުރެއްވި މަންޒަރެވެ. އެހެން ރައީސުންނަށް ނުވި ކަންތަކާއި ނުކުރެއްވޭނެއޭ ވިދާޅުވި ކަންތައް ކުރެއްވި މަންޒަރެވެ. އެހެންކަމުން މި ރައީސާ ހިލާފަށް ގައުމިއްޔަތުގެ ވާހަކަ ގިނަ ރައީސުން ދައްކަނީ ސިޔާސީ ބޭނުމެއްގައެވެ. 

ދިވެހި ސިފައިންގެ ކޯސްޓް ގާޑުގެ އުޅަނދުތަކުގެ ހާލަތު މިހާރު ހުރީ ވަރަށް ދަށުގައި ކަމަށާއި އެކަމަކު އެ މަނިކުފާނުގެ ވެރިކަމުގެ ފަސް އަހަރުގައި ކޯސްޓް ގާޑުގެ ކެޕޭސިޓީ ދެ ގުނަ ކުރައްވާނެ ކަމަށް ރައީސް ޑރ. މުހައްމަދު މުއިއްޒު ރޭ ވަނީ ވިދާޅުވެފަ އެވެ. 

ގައުމިއްޔަތު ނެގެހެއްޓޭނީ ގައުމުގެ ސައިޒު ބޮޑުވެފައި މިލިއަނުން ރައްޔިތުންނާއި ވަސިލަތް ހުރީމަ ނޫންކަން މިރައީސް މިވަނީ ދައްކުވައިދެއްވާފަ އެވެ. ގައުމިއްޔަތަށް ބަލާނަމަ، މުޅި ތާރީޚުގައި އެމެރިކާ ސަރުކާރުން އިސްކަންދީފައިވަނީ ޤައުމީ އިސްތިޤްލާލާއި މިނިވަންކަމަށެވެ. ގިނަ ފަހަރަށް އެމެރިކާގެ މަސްލަހަތު ހިމާޔަތްކުރުމަށާއި އެމެރިކާގެ ސަރަހައްދާއި ވަސީލަތްތަކުގެ މައްޗަށް ކޮންޓްރޯލް ހޯދުމަށް ޑިޕްލޮމެޓިކް އަދި އަސްކަރީ އިންޓަރވެންޝަންތަކެއްގައެވެ. މިއަދު މިރައީސްވެސް މިދެއްކެވީ އެމަންޒަރެވެ. 

ތުރުކީން ޑުރޯން ގެނެސްގެން ސަރަހައްދީ ކަނޑުގެ އަމިއްލަބާރު ދިވެހިންގެ ރާއްޖެއަށް މިރައީސް ހޯއްދަވައިދެއްވުމުން ހަނދާނަށް އަންނަނީ ރައީސް ރަޖަބް ތައިބް އުރުދުޣާނުގެ ތުރުކީ ސަރުކާރުން އެގައުމުގެ އެތެރޭގެ ދިފާއީ ގާބިލްކަން ހަރުދަނާކޮށް ސަރަހައްދީ ކަންކަމުގައި ތުރުކީގެ ނުފޫޒު ވަރުގަދަ ކުރުމަށް މަސައްކަތްކުރެއްވިކަމެވެ. ހަމައެފަދައިން، ރަޝިޔާގެ ސަރަހައްދީ އެއްބައިވަންތަކަމާއި ގައުމީ މަސްލަހަތު ރައްކާތެރިކުރުމަށް އަމާޒުކޮށްގެން އެމީހުންގެ އަސްކަރިއްޔާ ޒަމާނީކުރެއްވުމާއެވެ.

ރައީސް މުއިއްޒު ވީ ވައުދު ވީގޮތަށް ފުއްދަމުން ދާއިރު, މިވީ މަދު ދުވަސްކޮޅުގައި ސާފުވެ ޔަގީންވިކަމަކީ ހަގީތަގުގައިވެސް ރައީސް މުޢިއްޒު‬ އަކީ ގައުމުދެކެލޯބިވާ ވެރިއެއްކަމެވެ. މިގައުމު އަމިއްލަ ފައިމައްޗަށް ތެދުކުރުމައްޓަކައި އެގެންދަވަނީ ފަހަރަކު ކަމެއް ނިންމަވަމުންނެވެ. ސިޔާސީ މަންފާއަށްޓަކައި ގައުމިއްޔަތޭ ވިދަޅުވި ގިނަ ރައީސުންނަށް ގައުމިއްޔަތުގެ ވާހަކަ ދެއްކޭނެ ޖާގައެއް ނެތެވެ. މިރައީސް މިވަނީ ގައުމިއްޔަތު ކުރިޔަށްނެރެފަ އެވެ ވިދާޅުވި ގޮތަށް އަކުރުން އަކުރަށެވެ. ބާރު ސްޕީޑްގައި އެވެ.