ހާމަނާއި އަވަހާރަވިކަން އިރާނުން އިއުލާންކޮށްފި

އިބްރާހިމް އިމާދު

01 މާޗް 2026 - 11:02

0 comments

އީރާންގެ ރޫހީ ލީޑަރު އާޔަތުﷲ އަލީ ޚާމަނާއީ އިޒްރޭލާއި އެމެރިކާގެ ހަމަލާތަކުގައި އަަވަހާރަކޮށްލާފައިވާ ކަމަށް ބުނާ ވާހަކަ ދޮގުކުރަމުން ދިއުމަށް ފަހު އީރާނުން އެންމެ ފަހުން އެކަމަށް އެއްބަސްވެ ރަސްމީކޮށް އިއުލާނުކޮށްފި އެވެ.

ޚާމަނާއީގެ އިތިރުން އެމަނިކުފާނުގެ އިސް ސިޔާސީ މުޝީރު އަދި އީރާނުގެ ޑިފެންސް ކައުންސިލްގެ ސެކްރެޓަރީ ޢަލީ ޝަމްޚާނީ އާއި އައިއާރްޖީސީގެ ކޮމާންޑަރ-އިން-ޗީފް މުޙައްމަދު ޕަކްޕޫރު ވެސް، އިޒްރޭލާއި އެމެރިކާގެ ހަމަލާތަކުގައި އަވަހާރަވެފައިވާ ކަމަށް އީރާނުގެ ރަސްމީ ނޫސް އޭޖެންސީ 'އިރްނާ' ބުނެފައިވެ އެވެ.

އުމުރުން 86 އަހަރުގެ ޚާމަނާއީ އަވަހާރަޮށްލާފައިވާ ކަމަށް އެމެރިކާ އާއި އިޒްރޭލުން އިއުލާނުކުރި ނަމަވެސް އީރާނުން ބުނަމުން ދިޔައީ އެއީ ދޮގެއް ކަމަށެވެ.

އެކަމަކު މިއަދު ހެނދުނު އީރާންގެ ގައުމީ ޓީވީން ވަނީ ޚާމަނާއީ އަވަހާރަވެފައިވާ ކަމަށާއި އެކަމުގެ ބަދަލު ހިތިކޮށް ހިފާނެ ކަމުގެ އިންޒާރު ދީފަ އެވެ.

އީރާންގެ އެންމެ އިސް ލީޑަރަކީ އެ ގައުމުގެ އަސްކަރިއްޔާގެ އެންމެ އިސްވެރިޔާ ވެސް މެ އެވެ. އަދި ގައުމުގެ ބޮޑެތި ކަންކަމުގައި ފަހު ބަސް ބުނާ ފަރާތަކީ ވެސް އެއީ އެވެ.

އެމެރިކާ އާއި އިޒްރޭލު ގުޅިގެން އިރާނަށް ދިން ހަމަލާތަކުގެ ރައްދުގައި އިރާނުން އަންނަނީ އިޒްރޭލާއި، އެމެރިކާގެ އަސްކަރީ މަރުކަޒުތައް ހުންނަ މެދުއިރުމަތީގެ ބައެއް ގައުމުތަކަށް ވެސް ހަމަލާތައް ދެމުންނެވެ.

އީރާންގެ ގައުމީ ޓީވީން ބުނި ގޮތުގައި އީރާން ހިންގުން މިހާރު ވަނީ ރައީސް މަހްމޫދު ޕެޚެޝްކިއަން އާއި އިތުރު ދެ އޮފިޝަލަކު ހިމެނޭ ވަގުތީ ކޮމިޓީއަކާ ހަވާލުކޮށްފަ އެވެ.