Qasim zuvaan anhen kujjakaa kaiveni ballavaigenfi

ގާސިމް ޒުވާން އަންހެން ކުއްޖަކާ ކައިވެނި ބައްލަވައިގެންފި

އަހުމަދު އަކުރަމް

30 ސެޕްޓެމްބަރ 2020 - 23:41

1 comments

ގާސިމާއި އަދި އާ އަނބިކަނބަލުން ރާނިއާ

އުމުރުފުޅުން މިހާރު 71 އަހަރުގެ ޖުމްހޫރީ ޕާޓީގެ ލީޑަރު ގާސިމް އިބްރާހިމް ޒުވާން އަންހެން ކުއްޖަކާ ކައިވެނި ބައްލަވައިގެންފިއެވެ.

ގާސިމް ކައިވެނި ބައްލަވައިގެންފައިވަނީ އދ. މާމިގިލި، ހަޒާރުމާގެ، ރާނިއާ އަބްދުލް ހަމީދުއާ އެވެ. ރާނިއާއަކީ އުމުރުން 21 އަހަރުގެ އަންހެނެކެވެ. އެ ދެ ބޭފުޅުންގެ ކައިވެނި ހަފުލާ އޮތީ ވެސް ސަން އައިލެންޑުގައެވެ.

ގާސިމް އިތުރު ކައިވެންޏެއް ކުރެވިއިރު ވަރަށް ފަހަކާ ޖެހެންދެން އެމަނިކުފާނުގެ ހަތަރު އަނބިކަނބަލަކު ތިއްބެވި އެވެ. އެހެން ނަމަވެސް ރާނިޔާއާ ކައިވެނި ކުރެއްވުމަށް ވަރި ކުރެއްވީ އޭގެ ތެރެއިން ކޮން އަންބެއް ކަމެއް އެނގިފައެއް ނުވެއެވެ.

ގާސިމް އާ ކައިވެންޏެއް ބައްލަވައިގެންފައިވަނީ ޓްރާންސްޕޯޓް މިނިސްޓަރު އާއިޝަތު ނަހުލާ ވަރިކުރެއްވުމަށްފަހު ކަމަށް ސޯޝަލް މީޑިއާގައި ވާހަކަދެކެވެމުންދެއެވެ. ނަމަވެސް ގާސިމް، ނަހުލާ ވަރިކުރެއްވިކަން ކަށަވަރުވާ ގޮތް ވަނީ ނުވެފައެވެ.