frontline ga Masakkaiy kuraa Meehunnah Akshey Kumar 10 Million Rupees Hadhiya Koffi

ފްރަންޓްލައިން ގައި މަސައްކަތްކުރާ މީހުންނަށް އަކްޝޭ ކުމާރު 10 މިލިއަން ރުޕީސް ހަދިޔާކޮށްފި

ޢަައިޝަތު ޖަނާ

29 އޭޕްރީލް 2021 - 13:50

0 comments

އަވަށްޓެރި އިންޑިއާގައި ކޮވިޑުގެ ހާލަތު ގޯސްވެ، ނާޒުކު ފައްތަރެއްގައިވާ މި ދަނޑިވަޅުގައި ފްރަންޓްލައިން ގައި މަސައްކަތްކުރާ މީހުންނަށް އަކްޝޭ ކުމާރު 10 މިލިއަން ރުޕީސް ހަދިޔާކޮށްފި އެވެ.

އިންޑިއާގެ ކުރިކެޓު ކުޅުންތެރިއެއް ކަމަށްވާ ގައޮތަމް ގަމްބީރް ހިންގަމުދާ އެންޖީއޯއަކަށް، އަކްޝޭ މި ފައިސާ ހަދިޔާކޮށްފައިވާ އިރު، އެހެނިހެން ކަންކަމުގައި ވެސް އޭނާ އަންނަނީ އަމިއްލައަށް އެހީތެރިކަން ފޯރުކޮށްދެމުން ނެވެ.

އަކްޝޭއަށް ޝުކުރު އަދާކޮށް ގައޮތަމް އޭނާގެ ޓްވިޓަރގައި ބުނެފައިވަނީ އަކްޝޭ މި ފައިސާ ހަދިޔާ ކޮށްފައިވަނީ، ޕެންޑަމިކްތެރޭގައި ބޭހާއި ކާނާ އަދި އެހެނިހެން ޒަރޫރީ ތަކެތި ބޭނުންވާ ފަރާތްކަށް ފޯރުކޮށްދިނުމަށް ކަމަށެވެ.

މި ޓްވީޓަށް ޖަވާބުދެމުން އަކްޝޭ ބުނީ އޭނަށް ލިބުނު މިންވަރަކުން އެހީ ފޯރު ކޮށްދޭނެ ކަމަށާއި މިފަދަ ކަންކަމުން ހިތްހަމަ ޖެހުން ލިބޭކަމަށެވެ. އަދި އޭނާގެ އުއްމީދަކީ ވީހާވެސް އަވަހަށް ސިއްހީ މިބޮޑު ކާރިސާއިން ސަލާމަތްވުން ކަމަށެވެ.