އައްޑޫ ސިޓީގެ ފަތުރުވެރިކަމުގެ ހުވަފެންތައް ބިނާވެފައިވަނީ މުހިންމު އިންފްރާސްޓްރަކްޗަރ ޑިވެލޮޕްމަންޓެއްގެ މައްޗަށެވެ.

އައްޑޫ ސިޓީ އަކީ [މިވަގުތު] ކުރިއަރަމުން އަންނަ ފަތުރުވެރިންގެ މަންޒިލަކަށް ބަދަލުކުރުމުގެ މަސައްކަތުގައި، ކުރީގެ ވެރިކަމުގައި ވެފައިވާ ވައުދުތައް "ވާނުވާގައި" އޮތް މަންޒިލެކެވެ. 

އިއްޔެ ރައީސް ޑރ. މުއިއްޒު އައްޑޫ ޓޫރިޒަމްގެ ތަރައްގީއަށް ކުރާ ވައުދުތަކަށް އަނެއްކާވެސް ބާރުއަޅާފައެވެ. މިފަހަރުގެ ރައީސް ވަނީ އައްޑޫގައި އައްސޭރި ޓޫރިޒަމް އިފްތިތާހު ކުރުމަށް ޕްލޭނެއް ހަދާ ވާހަކަ އަދި ކިއެއްތަ ސީޕްލޭން ހަބެއްގެ ވާހަކަވެސް އިއުލާން ކޮށްފަ އެވެ.

ކުރީގެ ޕެލޭންތައް ޗޮކުން!

އިކޯ ޓޫރިޒަމް މަޝްރޫއުތަކަށް ފައިސާ ހޯދުމުގައި ރާއްޖެއާއި އިންޑިއާ ގުޅިގެން ކުރީގެ ސަރުކާރުން ކުރި މަސައްކަތުން އައްޑޫ ރައްޔިތުންނަށް އުއްމީދެއް ލިބި ކުލައެއް ނުޖެހުނެވެ. އޭރުގަ ސޮއިކުރި މުހިންމު އެއްބަސްވުމެއްގެ ދަށުން އިންޑިއާއިން ވަނީ ފޭދޫ، މަރަދޫ، ހިތަދޫ، އަދި ހުޅުދޫގައި އިކޯ ޓޫރިޒަމްގެ ފަސް މަޝްރޫއެއް ހިންގުމަށް އެހީތެރިވުމަށް 2.49 މިލިއަން ޑޮލަރު (38 މިލިއަން ރުފިޔާ) ދިނުމަށް އެއްބަސް ވެފަ އެވެ. މާލީ އެހީތެރިކަމަކީ މުހިންމު ކަމެއް ނަމަވެސް، އައްޑޫ ސިޓީގެ ފަތުރުވެރިކަމުގެ އުންމީދުތަކުގެ ކާމިޔާބީ ވެސް ބިނާވެފައިވަނީ އަސާސީ އިންފްރާސްޓްރަކްޗަރަލް ގޮންޖެހުންތަކަށް ހައްލެއް ހޯދުމަށެވެ. ނަމަވެސް އެއަށް ވީގޮތެއް ނޭނގުނެވެ.

މިސަރުކާރުން ސީޕްލޭން ހަބެއް އައްޑޫގައި!

ބައިނަލްއަޤްވާމީ ފަތުރުވެރިން ޝައުޤުވެރިކުރުމަށް މުހިންމު ބަޔަކީ އައްޑޫ ސިޓީގައި ޒަމާނީ އެއަރޕޯޓެއް ޤާއިމުކުރުމެވެ. ވަސީލަތްތައް ގާއިމްކޮށްފައިވާ އެއާޕޯޓެއް ނެތި، މި ސަރަހައްދަށް ޒިޔާރަތްކުރާ މީހުން ގެންދިއުމަށް ކުރާ ހަރަދު ވަރަށް ބޮޑުކަމުން، އަމިއްލަ ފަރާތްތަކުން އިންވެސްޓް ކުރުމަށް ނުލާހިކު ބިރު ގަނެއެވެ. އެހެންކަމުން މިފަދަ އިންފްރާސްޓްރަކްޗަރ އަޕްގްރޭޑް ކުރުމުގެ މުހިންމުކަން ފަތުރުވެރިކަމުގެ ދާއިރާގެ އެކި ފަރާތްތަކުން ވަނީ އެކި ފަހަރުމަތިން ގޮވާލާފައެވެ.

އައްޑޫ ސިޓީގެ އަމާޒަކީ ގިނަ އަދަދެއްގެ ފަތުރުވެރިން އެތަނަށް ގެނައުމެވެ. މި ޑިމާންޑް ފުއްދުމަށް ގާތްގަނޑަކަށް 8،000 އިތުރު އެނދު ބޭނުން ކުރުމެވެ. މި ބޮޑު އަމާޒަކީ މި ސަރަހައްދު ދިރުމާއި ދެމެހެއްޓެނިވި ފަތުރުވެރިކަމުގެ މަރުކަޒަކަށް ބަދަލުކުރުމުގެ ސަރުކާރުގެ ތަސައްވުރާ އެއްގޮތް އަމާޒެއް ކަމަށް ވެސް ކުރީގެ ސަރުކާރުތަކުން އައްޑޫ ރައްޔިތުންނަށް އުއްމީދެއް ދިނެވެ. ނަމަވެސް އެކަށީގެންވާ އެއާޕޯޓެއް ނެތުމުން، މި އަމާޒު ހާސިލްކުރުމުގައި ކުރިއެރުންތަކަށް ހުރަސްއެޅިފައިވެއެވެ. 

ލޯކަލް އޮތޯރިޓީތަކާއި އަމިއްލަ އިންވެސްޓަރުން ކަންބޮޑުވަނީ ރަނގަޅަށް ގުޅިފައިވާ ދަތުރުފަތުރުގެ ނެޓްވޯކެއްގެ ޔަގީންކަމެއް ނެތުމުންނެވެ. އާރްޓީއެލް ފެރީ ނިޒާމު އޮތަސް އެކަށީގެންވާ އެއާޕޯޓަކަށް އައްޑޫ ރައްޔިތުން ތިބީ ފެންބޮވައިގެންފައެވެ. އެހެންކަމުން އިއްޔެ ރައީސް ވިދާޅުވި ބަސްފުޅަކީ ހިތްތަކުގައި ބިންވަޅު ނެގުނު ބަސްފުޅެކެވެ. "މިގޮތުން ސީޕްލޭން ހަބަކާއެކު އައްޑޫ ސިޓީއަށް އައްސޭރި ޓޫރިޒަމް މަޝްރޫއެއް އެކުލަވާލައި އިފްތިތާހުކުރުމުގެ ގޮތުން އައްޑޫ ސިޓީއަށް ހާއްސަ ޓޫރިޒަމް ޑިވެލޮޕްމަންޓް ޕްލޭންއެއްގެ މަސައްކަތް ދަނީ ކުރެވެމުން،" ރިޔާސީ ބަޔާން އިއްވަމުން ރައީސް ވިދާޅުވިއެވެ. އެހެންކަމުން، މި ސީޕްލޭން ހަބާއެކު އައްޑޫ ރައްޔިތުންނަށް އަނެއްކާވެސް ގެނުވީ އިތުރު އުއްމީދެކެވެ.

ވައުދުތަކާއި އެއްބާރުލުންތަކަކީ އުއްމީދީ ފިޔަވަޅުތަކެއް ނަމަވެސް، އައްޑޫ ސިޓީގެ ރައްޔިތުންނާއި ޕޮޓެންޝަލް އިންވެސްޓަރުން ތިބީ ކޮންކްރީޓް އަމަލުތައް ހިންގާ މަންޒަރު ލޮލުން ދެކެ އެ ތަޖުރިބާ ކުރުމަށެވެ. ޙަރަކާތްތެރި ތަރައްޤީތަކަށް ތަރުޖަމާވާތަން ދެކެން ކެތްމަދުވެފައެވެ. 

ސީޕްލޭން ހަބާއެކު ދެން ވާނީ ކިހިނެއް؟

އައްޑޫ ސިޓީގައި ސީޕްލޭން ހަބެއް ޤާއިމުކުރުމަކީ ފަތުރުވެރިކަމުގެ ސިނާޢަތް ކުރިޔަށް ޖެހިލުމަށް އިންތިހާއަށް ފުރުޞަތު ލިބިގެންވާ ކަމެކެވެ. އެކި ދިމަދިމާލަށް ފެތުރިފައިވާ ޖަޒީރާތަކާއެކު ތަފާތު ޖިއޮގްރަފީގެ ސަބަބުން ސީޕްލޭންތަކަކީ ދަތުރުފަތުރުގެ އެންމެ ރަނގަޅު ވަސީލަތެކެވެ. ސީޕްލޭން ހަބެއް ހެދުމުން ދުރު އަތޮޅުތަކާއި ރިސޯޓްތަކުގެ ގުޅުން އިތުރުވެ، ޒިޔާރަތްކުރާ ފަރާތްތަކަށް އަވަސް އަދި މަންޒަރު ރީތި ޓްރާންސްފާތަކެއް ލިބިގެންދާނެ އެވެ. މިކަމުގެ ސަބަބުން ދަތުރުކުރާ ވަގުތު ކުޑަވެގެން ދިއުމާއި އެކު ފަތުރުވެރިންނަށް އަޖައިބުވީ ރީތި މަންޒަރުތައް ބަލާލެވޭނެ އެވެ. ސީޕްލޭން ދަތުރުތަކުގެ ފަސޭހަކަމާއި ރަނގަޅުކަމުން ފަތުރުވެރިންނަށް އެއްވެސް ދަތިކަމެއް ނެތި ހަނދާނުން ފޮހެނުލެވޭނެ އާ ތަޖުރިބާއެއް ލިބި، ރާއްޖެ ތެރޭގެ ގިނަ މަންޒިލްތަކެއް ހޯދުމަށް ހިތްވަރު ލިބިގެންދާނެ އެވެ. މީގެ އިތުރުން، ހާއްސަކޮށް އައްޑޫ ސިޓީ އަދި ދެކުނުގެ ސަރަހައްދުތައް އިގްތިސާދީ ގޮތުން ކުރިއަރާނެއެވެ. މި ޓްރޮޕިކަލް ސުވަރުގޭގެ ފަތުރުވެރިކަމަށް އައު އިންގިލާބެއް އަންނާނެ އެވެ.

މިހާރުގެ ސަރުކާރުން ޕްލޭން ކޮށްފައިވާ އައްސޭރި ޓޫރިޒަމްގެ މަޝްރޫއުތައް ކާމިޔާބުކަމާއެކު ހާސިލްކުރުމަށްޓަކައި ކަނޑައަޅާނީ ސީދާ ކިހާވަރެއްގެ ބަޖެޓެއްކަމާއި މިވަގުތު އެ ޕްލޭން ހަދަމުންދާތީވެ، އައްޑޫ ސިޓީގެ ރައްޔިތުންނާއި އެޕްލޭނުގެ ފުރިހަމަ މައުލޫމާތު އަދި ހިއްސާ ކުރެވޭގޮތް ވެފައި ނެތަސް، ރައްޔިތުން ބޭނުމީ އިންފްރާސްޓްރަކްޗަރަލް އިމްޕްރޫވްމަންޓްތަކަށް ފޯކަސްކޮށްގެން އެ ސިޓީ އަކީ ފަތުރުވެރިންގެ ސަލާމަތަށް ރައްކާތެރި، އަދި އައްޑޫ ސިޓީގެ ރައްޔިތުންގެ އުއްމީދުތައް ހާސިލް ކުރެވޭނެ ޕްލޭނަކަށް ވުމެވެ.