އާރްޑީސީން ބައެއް މުވައްޒަފުން ވަކިކުރަނީ

މަރިޔަމް އަނާ

26 ޖޫން 2024 - 23:34

0 comments

އަމީނީ މަގު ތަރައްގީ ކުރުމުގެ މަސައްކަތުގެ އާރުޑީސީ މުވައްޒަފުން --- ފޮޓޯ/ އާރުޑީސީ

ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ބައެއް މުވައްޒަފުން ވަޒީފާ އިން ވަކިކުރަން ނިންމައިފި އެވެ.

އެ ކުންފުނިން މުވައްޒަފުންނަށް މިއަދު ފޮނުވި އިންޓާނަލް މެމޯއެއްގައި ބުނީ އާރްޑީސީން ހުޅުމާލޭގެ ފެސިލިޓީގައި ހިންގަމުންދާ އެކޮމަޑޭޝަން ފެސިލިޓީ މެނޭޖްމެންޓްގެ މަސައްކަތްތައް ހުއްޓާލަން ނިންމާފައިވާ ކަމަށެވެ.

ސަބަބެއް ކަމަށް ބުނީ އެއީ ސަރުކާރުގެ ޕްރޮޖެކްޓްތަކަށް ބޭނުންކުރަން ނިންމާފައިވާ ބިމަކަށް ވުމާއި ފެސިލިޓީގައި ހިންގަމުންދިޔަ ވިޔަފާރި އަކީ ގެއްލުމުގައި ކުރާ ކަމަކަށް ވުމެވެ.

އެހެންވެ، އެ ފެސިލިޓީގެ މުވައްޒަފުންގެ ތެރެއިން ކުންފުންޏަށް މި ވަގުތަށް ބޭނުންވާ މުވައްޒަފުން ނޫން އެހެން މުވައްޒަފުން ވަކިކުރަން ނިންމާފައިވާ ކަމަށް މެމޯގައިވެ އެވެ.

ވަޒީފާ އިން ވަކިކުރާ މުވައްޒަފުންނާ މެދު ވަޒީފާއާ ބެހޭ ގާނޫނާ އެއްގޮތަށް އަމަލުކުރާނެ ކަމުގެ ޔަގީންކަންވެސް މެމޯގައި ދީފައިވެ އެވެ.

އާރްޑީސީ އިން މުވައްޒަފުންތަކެއް ވަކިކުރަން ނިންމާފައި މިވަނީ އާރްޑީސީ އިން ހަރަަދު ކުޑަކޮށްގެން 17 މިލިއަން ރުފިޔާ ސަލާމަތްކޮށްފައިވާ ކަމަށާއި އެއީ ރަނގަޅު މިސާލެއް ކަމުގައި ފިނޭންސް މިނިސްޓަރު ޑރ. މުހައްމަދު ޝަފީގު މިއަދު މަޖިލީހުގެ މާލިއްޔަތު ކޮމިޓީގައި ވިދާޅުވެފައި ވަނިކޮށެވެ.