ކައުންސިލްތަކަށް 32 ސެކްރެޓަރީ ޖެނެރަލުން ހޯދަނީ

މަރިޔަމް އަނާ

04 ޖުލައި 2024 - 22:11

0 comments

ގިނަ އަދަދެއްގެ ސެކްރެޓަރީ ޖެނެރަލުން ހޯދުމަށް ސިވިލް ސާރވިސް ކޮމިޝަން، ސީ.އެސް.ސީއިން އިއުލާންކޮށްފި އެވެ.

ކައުންސިލަރުން ހޯދާ ރަށްތައް

ހއ. ވަށަފަރު،
ހއ. މުރައިދޫ،
ށ. ފޭދޫ،
ށ. މަރޮށި،
ށ. ފީވަށް،
ރ. ވާދޫ،
ރ. މަޑުއްވަރީ،
ރ. ރަސްމާދޫ،
ރ. އިންނަމާދޫ،
ބ. ފުޅަދޫ،
ބ. ފެހެންދޫ،
ބ. ހިތާދޫ،
ކ. ތުލުސްދޫ،
އއ. ތޮއްޑޫ،
އއ. މާޅޮސް،
އދ. ދިއްދޫ،
އދ. ހަންޏާމީދޫ،
ވ. ތިނަދޫ،
ވ. ފެލިދޫ،
ވ. ރަކީދޫ،
މ. މަޑުއްވަރީ،
ފ. ދަރަނބޫދޫ،
ދ. ރިނބުދޫ،
ދ. ކުޑަހުވަދޫ،
ދ. މާއެނބޫދޫ،
ތ. ގާދިއްފުށީ،
ތ. ތިމަރަފުށި،
ލ. ދަނބިދޫ،
ގއ. ކޮލަމާފުށި
އަދި ގއ. ދެއްވަދޫ

ރަށު ކައުންސިލްގެ ސެކްރެޓަރީ ޖެނެރަލްގެ މަގާމަކީ ދާއިމީ މަގާމެއް ނަމަވެސް މަގާމުގެ ކޮންޓްރެކްޓްގެ މުއްދަތަކީ ފަސް އަހަރެވެ. މި މަގާމުގެ މައިގަނޑު މަސްއޫލިއްޔަތަކީ އިދާރީ ގޮތުން އެންމެ އިސް މުވައްޒަފުގެ ގޮތުން ކުރަންޖެހޭ ކަންކަން ކުރުމާއެކު ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު އަދި ދައުލަތުގެ މާލިއްޔަތުގެ ގަވާއިދުގައި ބަޔާންކޮށްފައިވާ މަސްއޫލިއްޔަތުތައް އަދާކުރުމެވެ.

މި މަގާމަށް ޝައުގުވެރިވާ ފަރާތްތަކުން ކުރިމަތިލުމަށް ފުރުސަތު ދީފައިވަނީ މި ހިނގާ ޖުލައި 14 ވަނަ ދުވަހުގެ ނިޔަލަށެވެ.

މި މަޤާމްތަކުގެ ތެރެއިން ރަށު ކައުންސިލަށް ހޯދަން އިޢުލާންކޮށްފައިވާ ސެކްރެޓަރީ ޖެނެރަލުންގެ ފުރަތަމަ ރޭންކްގެ އަސާސީ މުސާރައަކީ 9،300 ރުފިޔާއެވެ. ދެވަނަ ރޭންކްގެ މުސާރައަކީ 8،835 ރުފިޔާއެވެ. މިއީ ހުސް 5 އަހަރު ދުވަހުގެ މުއްދަކަށް އައްޔަނުކުރާ މަޤާމެކެވެ.