މެނިންގޮކޯކަލްގެ އިތުރު ކޭހެއް ނެތް: އެޗްޕީއޭ

މަރިޔަމް އަނާ

06 ޖުލައި 2024 - 22:21

0 comments

ދަރުމަވަންތަ ހޮސްޕިޓަލް

ނުރައްކާތެރި ޖަރާސީމަކުން ފެތުރޭ އަދި ގައިންގަޔަށް އަރާ ނުރައްކާތެރި ބައްޔެއް ކަމަށްވާ މެނިންގޮކޯކަލް ބަލީގެ އިތުރު ކޭހެއް ރިޕޯޓު ކުރެވިފައި ނެތް ކަމަށް ހެލްތު ޕްްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.

އެޗްޕީއޭއިން މިއަދު ބުނީ، މެނިންގޯކޮކަލް ވޭދަނައާއި ގުޅިގެން ކުރެވުނު ގާތުން އެއްތާވި މީހުން ހޯދުމުގެ މަސައްކަތް މިހާރު ނިމިފައިވާ ކަމަށާއި، ބަލި ޖެހުނު މީހަކާއި އެއްތާވި ކޮންޓެކްޓުންނަށް ބޭސް ދީފައިވާ ކަމަށެވެ.

އެޗްޕީއޭއިން ބުނީ އެ މަސައްކަތް އެއްކޮށް ނިންމާލިއިރު އިތުރު އެއްވެސް މީހަކު އެ ބައްޔަށް ފައްސިވެފައިނުވާ ކަމަށެވެ.

މެނިންގޮކޯކަލް މެނިންޖައިޓިސް އަލާމަތްތަކުގެ ތެރޭގައި ސިކުނޑި އާއި ސްޕައިނަލް ކޯޑުގެ ވަށައިގެން ހުންނަ ދުލިފަށަލަ އިންފެކްޓުވެ، ދުޅަވުމާއި ލޭގާ އިންފެކްޝަން އުފެދި، ބެކްޓީރިއާ ލޭގައި ދައުރުވެ، ލޭހޮޅިތަކަށް ގެއްލުންވުން ހިމެނެ އެވެ.

މި ބަލި ފެތުރެނީ ނޭވާލާ ނިޒާމުގެ ޒަރީއާއިންނެވެ. ބަލީގެ އަލާމާތްތައް ފެންނަން ފަށާނީ ބަލިޖެހޭތާ 1-10 ދުވަހާ ދެމެދު އެވެ.

މިއީ މެނިންގޮކޯކަލް އިން ރާއްޖެ އިން ފެނުނު ފުރަތަމަ ފަހަރެވެ.