ނޫސްވެރިކަމުގެ އެވޯޑް އަންނަ މަހުގެ 28ގައި

މަރިޔަމް އަނާ

11 ސެޕްޓެމްބަރ 2024 - 19:07

0 comments

ނޫސްވެރިކަމުގެ އެވޯޑް އަންނަ މަހުގެ 28ގައި - ފޮޓޯ: ސަން

މޯލްޑިވްސް މީޑިއާ ކައުންސިލުން ދޭ "ނޫސްވެރިކަމުގެ އިނާމު 2023" ގެ ޙަފްލާ އަންނަ އޮކްޓޯބަތރު މަހުގެ 28 ގައި ބޭއްވުމަށް އެ ކައުންސިލުން ނިނަމައިފި އެވެ.

މިގޮތަށް ނިންމީ މިއަދު ބޭއްވި މީޑިއާ ކައުންސިލްގެ ޖަލްސާގަ އެވެ.

މިއަހަރު އިނާމު ދިނުމަށް ހަމަޖެހިފައިވަނީ 18 ދާއިރާއަކުންނެވެ. އެގޮތުން އެ އިނާމަށް 88 ހުށަހެޅުމެއް ލިބިފައިވާ ކަމަށް މީޑިއާ ކައުންސިލުން ވަނީ ބުނެފަ އެވެ.

މި އިނާމު މިފަހަރު ދޭން ހަމަޖެހިފައި ވަނީ ނޫސް މަޖައްލާ ކެޓަގަރީއާއި އޯޑިއޯ އަދި ވީޑިއޯ ޖާނަލިޒަމް ކެޓެގަރީ ހިމެނޭހެން 18 ދާއިރާއަކުންނެވެ.

އަދި މިއަހަރު ބާއްވަނީ ނޫސްވެރިކަމުގެ އިނާމު ދިނުމުގެ 11 ވަނަ ހަފްލާ ކަމަށާއި މިފަހަރު އިނާމަށް 18 ދާއިރާއަކުން 86 ހުށަހެޅުން ލިބިފައި ވާކަމަށް އެ ކައުންސިލުން ވަނީ ބުނެފައެވެ.

ނޫސްވެރިކަމުގެ އެވޯޑް މިފަހަރު ދިނުމަށް ހަމަޖެހިފައިވާ ދާއިރާތަކުގެ ތެރޭގައި:

• ތަޙުޤީޤީ ނޫސްވެރިކަމުގެ ދާއިރާ
• އިޖުތިމާޢީ ދާއިރާ
• ސިޔާސީ ދާއިރާ
• ޝަރުޢީ އަދި ޤާނޫނީ ދާއިރާ
• ވިޔަފާރިއާއި އިޤުތިޞާދުގެ ދާއިރާ
• ކުޅިވަރުގެ ދާއިރާ
• ފޮޓޯ ޖާނަލިޒަމްގެ ދާއިރާ
• ވީޑިއޯ ޑޮކިއުމެންޓަރީގެ ދާއިރާ
• ގްރެފިކްސްއާއި އިލެސްޓްރޭޝަންސްގެ ދާއިރާ
• ފީޒާ ރިޕޯޓުގެ ދާއިރާ
• ތާރީޚާއި ސަގާފަތުގެ ދާއިރާ
• މުނިފޫހިފިލުވުމާއި ފަންނުވެރިކަމުގެ ދާއިރާ
• ތިމާވެށްޓާއި ދެމެހެއްތެނިވި ތަރައްޤީގެ ދާއިރާ
• އޯޑިއޯ ޖާނަލިޒަމްގެ ދާއިރާ
• އުންމީދީ ނޫސްވެރިޔާގެ އިނާމު
• އަހަރުގެ އެންމެ މޮޅު ނޫސްވެރިޔާގެ އިނާމު
• އަހަރުގެ އެންމެ މޮޅު ކަވަރޭޖުގެ އިނާމު
• އަތޮޅުތެރޭގެ އެންމެ މޮޅު އުފެއްދުމުގެ އިނާމު

ނޫސްވެރިކަމުގެ އެކި ދާއިރާތަކުން ހޮވޭ ފަރާތްތަކަށް ކޮންމެ އަހަރަކުވެސް މޯލްޑިވްސް މީޑިއާ ކައުންސިލުން އަންނަނީ އިނާމު ދެމުންނެވެ. އެގޮތުން އެހެން އަހަރުތަކެކޭ އެއްގޮތަށް މިއަހަރު ވެސް އިނާމު ދޭނީ މިދިޔަ އަހަރު ކޮށްފައިވާ މަސައްކަތްތަކަށެވެ.

މީޑިއާ ކައުންސިލުން ބުނީ އޯޑިއޯ ޖާނަލިޒްމްގެ ދާއިރާ އާއި އަތޮޅުތެރޭގެ އެންމެ މޮޅު އުފެއްދުން ފިޔަވައި އެހެން ހުރިހާ ދާއިރާއަަކަށް ވެސް މި އަހަރު ހުށަހެޅުން ލިބިފައިވާ ކަމަށެވެ.