އެމްޑީޕީ ބަލިކޮށް، މާރަންދޫ ކައުންސިލް ގޮނޑި ޕީއެންސީން ކާމިޔާބުކޮށްފި

އަލީ ރާޒީ

14 ސެޕްޓެމްބަރ 2024 - 17:53

0 comments

ހއ. މާރަންދޫ ކައުންސިލްގެ ހުސްވެފައިވާ ގޮނޑިއަށް މެމްބަރަކު އިންތިހާބުކުރުމަށް ބޭއްވި ބައި- އިލެކްޝަންގައި 285 ވޯޓާއެކު ޕީއެންސީގެ ކެންޑިޑޭޓް އަބްދުލްހަމީދު އަބްދުއްސައްތާރު ގޮނޑި ކާމިޔާބު ކުރައްވައިފި އެވެ.

ހއ. މާރަންދޫ ކައުންސިލަށް މެންބަރަކު ހޮވުމަށް ބޭއްވި މި ބައި-އިލެކްޝަންގެ ވޯޓުލުން ކުރިއަށްގެންގޮސްފައިވަނީ މިއަދު ހެނދުނު 8 އިން ހަވީރު 4 އަކަށެވެ.

މާރަންދޫ ކައުންސިލަށް މެންބަރަކު އިންތިހާބުކުރުމަށް ބައި-އިލެކްޝަނެއް ބާއްވާފައި މިވަނީ އެކައުންސިލްގެ ނައިބު ރައީސްކަމުގައި ހުންނެވި އަހުމަދު ރަމީޒު މިދިޔަ ޖުލައި މަހުގެ 13 ވަނަ ދުވަހު ނިޔާވުމާއި ގުޅިގެންނެވެ.

ސައްތާރު ވަނީ މި ބައި އިލެކްޝަން ކާމިޔާބު ކުރައްވާފަ އެވެ. އެކަން ޕީއެންސީން ކަށަވަރުކޮށްދެ އެވެ. މާރަންދޫގައި ބަހައްޓާފައިވާ ވޯޓު ފޮށިން ކުރި ހޯދާފައި ވަނީ 187 ވޯޓާއެކު ޕީއެންސީގެ ކެންޑިޑޭޓެވެ. އެމްޑީޕީގެ ކެންޑިޑޭޓަށް ލިބިފައިވަނީ 160 ވޯޓެވެ.

މި އިންތިހާބުގައި 736 މީހަކަށް ވޯޓުލުމުގެ ހައްގު ލިބިގެން ވެއެވެ. އޭގެ ތެރެއިން 600 އެއްހާ ގާތް ކުރާ އަދަދަކަށް މީހުން ވަނީ ވޯޓު ލައިފަ އެވެ.

މިފަހަކުން ބާއްވާ ގިނަ ބައި-އިލެކްޝަންތައް ކާމިޔާބު ކުރަނީ ޕީއެންސީންކަން ފާހަގަކޮށްލަން ޖެހެއެވެ.