ޗުއްޓީއަށްފަހު ސްކޫލުތަކުގައި ދެވަނަ ޓާމްގެ ކިޔެވުން ފަށައިފި

މަރިޔަމް އަނާ

06 އޮކްޓޫބަރ 2024 - 12:13

0 comments

އަރަބިއްޔާ ސްކޫލްގެ ދަރިވަރުންތަކެއް -- ފޮޓޯ: ވަގުތު

ސްކޫލްތަކުގައި ތައުލީމް ހާސިލް ކުރާ ދަރިވަރުން ފުރަތަމަ ޓާމުގެ ކުރު ޗުއްޓީއެއް ނިންމާލުމަށްފަހު ދެވަނަ ޓާމުގެ ކިޔެވުން މިއަދު ފަށައިފި އެވެ.

ދިރާސީ އަހަރުގެ ފުރަތަމަ ޓާމަށްފަހު ދަރިވަރުންނާއި މުދައްރިސުން ޗުއްޓީއަށް ދިޔައީ މިދިޔަ މަހުގެ 26ވަނަ ދުވަހު އެވެ. ޗުއްޓީގެ ގޮތުގައި ލިބުނީ ޖުމްލަ 10 ދުވަހެވެ.

ސްކޫލުތަކުގައި ކިޔެވުން ފަށާފައިވާއިރު ގިނަ ސްކޫލުތަކުގައި މިއަދު ދަނީ ޓީޗަރުންގެ ދުވަސް ވެސް ފާހަގަކުރަމުންނެވެ. ބައިނަލްއަގްވާމީ ޓީޗަރުންގެ ދުވަހަކީ އޮކްޓޫބަރު މަހުގެ ފަސްވަނަ ދުވަހެވެ.

ދިރާސީ އަހަރުގެ ކިޔެވުން މިއަހަރު ފެށީ 96،000 ދަރިވަރުންނާއެކު އެވެ. އެގޮތުން ސަރުކާރުގެ 217 ސްކޫލުގައި 83،000 އެއްހާ ދަރިވަރުން އަދި ޕްރައިވެޓް ސްކޫލުތަކުގައި 13،000 ދަރިވަރުން ކިޔަވާފައިވެ އެވެ.