ދަނޑުވެރި އުފެއްދުންތަކަށް ހާއްސަކޮށް އިހުރު ބާޒާރު ހުޅުވައިފި

އަލީ ރާޒީ

24 އޮކްޓޫބަރ 2024 - 18:37

0 comments

އއ. ތޮއްޑޫގައި ބީސީސީގެ ފަރާތުން "އިހުރު" ބާޒާރުގެ ނަމުގައި ދަނޑުވެރިންގެ މާރުކޭޓެއް ހުޅުވުައިފި އެވެ.

ޔޫއެންޑީޕީއާއި ޖަޕާން ސަރުކާރުގެ އެހީގައި ތޮޑޫގައި ހުޅުވި "އިހުރު ބާޒާރު" އަކީ ރާއްޖޭގައި ދަނޑުވެރިންނަށް އަމާޒުކޮށްގެން ހުޅުވި ފުރަތަމަ ބާޒާރެވެ.

ޒިޔާއު ވިދާޅުވީ ދިވެހި ދަނޑުވެރިންގެ އުފެއްދުންތަކަކީ އާންމުންނާއި ރާއްޖެއަށް ޒިޔާރަތްކުރާ ފަތުރުވެރިން ބަލައިގަންނަ، ފެންވަރު ރަނގަޅު އުފެއްދުންތަކަށް ހެދުމަކީ ބީސީސީގެ އަމާޒެއް ކަމަށެވެ.

"އެ މަގުސަދު ހާސިލްކުރުމަށްޓަކައި ތޮއްޑޫގެ އުފެއްދުންތައް ފަތުރުވެރިންނަށް މިބަޒާރުން ލިބެންް ހުންނާނެ،" ޒިޔާއު ވިދާޅުވި އެވެ.

އޭނާ ވިދާޅުވީ ތޮއްޑޫއަކީ ފަތުރުވެރިކަމާއި އަދި ދަނޑުވެރިކަމުގައިވެސް މަގުބޫލު ރަށަކަށްވުމާއެކު ދަނޑުވެރިންގެ އުފެއްދުންތައް ދުނިޔޭގެ ބާޒާރުތަކާއި ހަމައަށް ގެންދިއުމުގެ ކުރިން ތޮއްޑޫގެ އުފެއްދުންތަކުގެ މަގްބޫލުކަން ފަތުރުވެރިންގެ މެދުގައި އިތުރުވެގެން ދާނެ ކަމަށް އުއްމީދު ކުރައްވާ ކަމަށެވެ.

ދިވެހި ވިޔަފާރި ވެރިންގެ އުފެއްދުންތައް ކުރިއެރުވުމަށް ތަފާތު ގިނަ މަސައްކަތްތަކެއް ބީސީސީ އިން ދަނީ ކުރަމުންނެވެ.