ތޮއްޑޫގައި ތައިލެންޑް އަންހެނަކަށް އަނިޔާކުރި މައްސަލައެއް ބަލަނީ

އަލީ ރާޒީ

28 ޑިސެމްބަރ 2024 - 14:35

0 comments

ތައިލޭންޑު އަންހެނަކަށް އޭނާގެ ސްޕޮންސަރ އަނިޔާކުރި މައްސަލައެއް ފުލުހުން ބަލަން ފަށައިފި އެވެ.

ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ ތޮއްޑޫގައި މަސައްކަތްކުރާ ތައިލެންޑް އަންހެނަކަށް އަނިޔާކުރި މައްސަލައެއް މިދިޔަ ބުރާސްފަތި ދުވަހުގެ ރޭ 6:50 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

އެ މައްސަލައިގެ އިތުރު ތަފްސީލެއް ހާމަނުކޮށް ފުލުހުން ބުނީ އެ މައްސަލަ ތަހުގީގް ކުރަމުން އަންނަ ކަމަށެވެ. އޭނާއަށް ލިބިފައިވާ އަނިޔާގެ ތަފްސީލެއް ހާމައެއް ނުކުރެ އެވެ.

އެ މީހަކު ހައްޔަރުކުރި ކަމެއް ނުވަތަ ނޫން ކަމެއް ވެސް ފުލުހުން އަދި ހާމައެއް ނުކުރެ އެވެ.

މީސްމީޑިއާ ގައި ދައުރުވަމުންދާ ޕޯސްޓެއްގައި އެ އަންހެނާއަށް އެރަށު ސިއަހީ މަރުކަޒުގައި ފަރުވާ ދިފައިވާ ކަމަށް މައުލޫމާތު ލިބެއެވެ.