ފެނަކައިގެ ކުރީގެ އެމްޑީ ސައީދުގެ ޕާސްޕޯޓް ހިފަހައްޓައިފި

އައިމިނަތު ޝިޔާޒާ

29 އޮކްޓޫބަރ 2024 - 20:24

0 comments

ފެނަކަ ކޯޕަރޭޝަންގެ ކުރީގެ މެނޭޖިން ޑިރެކްޓަރު އަހްމަދު ސައީދުގެ ޕާސްޕޯޓް ހިފަހައްޓައިފި އެވެ.

މައުލޫމާތު ލިބިފައިވާ ގޮތުގައި ސައީދުގެ ޕާސްޕޯޓު މި މަހުގެ 9 ވަނަ ދުވަހު ހިފަހައްޓާފައިވަނީ އެންޓި ކޮރަޕްޝަން ކޮމިޝަން (އޭސީސީ)އިން ބަލަމުންދާ ކޮރަޕްޝަނުގެ މައްސަލަތަކަކާއި ގުޅިގެންނެވެ.

ފެނަކައިގެ މިހާރު މެނޭޖްމަންޓުން ވަނީ ކުރީގެ މެނޭޖްމަންޓުން ފެނަކައިގައި ހިންގާފައިވާ ކޮރަޕްޝަންގެ މައްސަލަތަކެއް ތަހުގީގުކޮށް ދޭން އޭސީސީ އަށް ހުށަހަޅައިފަ އެވެ. އޭގެ ތެރޭގައި ސައީދާ ގުޅޭ މައްސަލަތަކެއް ވެސް ހިމެނެ އެވެ.

މި ސަރުކާރުން ބުނެފައި ވަނީ ވެރިކަމާ ހަވާލުވި އިރު، ކޮރަޕްޝަން ހިންގައި އެންމެ ބޮޑަށް ދަރުވާލާފައި އޮތް ކުންފުންޏަކީ ވެސް ފެނަކަ އެވެ.

ސައީދު ވަނީ އޭނާއަށް އަމާޒުވާ ކޮރަޕްޝަންގެ ތުހުމަތުތަކަށް ތަކުރާރުކޮށް އިންކާރުކުރައްވާފަ އެވެ.