އެއް ދުވަސް ތެރޭ އިމިގްރޭޝަނުން 1،069 ވޯކް ވިސާ ދޫކޮށްފި

އަހުމަދު ނިހާން

30 އޮކްޓޫބަރ 2024 - 12:28

0 comments

އެއް ދުވަސް ތެރޭގައި 1،069 ވޯކު ވިސާ ދޫކޮށްފައިވާ ކަމަށް އިިމިގުރޭޝަނުން ބުނެފި އެވެ.

އިމިގްރޭޝަނުން ބުނީ ގަވާއިދާ ހިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލުކުރަން ކަމާ ގުޅުން ހުރި އިދާރާތަކުން ކުރަމުން އަންނަ މަސައްކަތުގައި ގަވާއިދާ އެއްގޮތަށް ބިދޭސީންގެ ވިސާގެ ކަންކަން ފުރިހަމަ ކުރާ މިންވަރު ވަރަށް ބޮޑަށް އިތުރުވެފައިވާ ކަމަށެވެ.

އިމިގްރޭޝަނުން ބުނީ އެއްދުވަހުން އެންމެ ގިނައިން ވޯކްވިސާ ދޫކުރީ އިއްޔެ ކަމަށެވެ. އެއީ ޖުމްލަ 1069 ވޯކް ވިސާ އެވެ.

ވިސާ ހޯދުމަށް އަންނަ މީހުންގެ އަދަދާއި ޝަކުވާތައްވެސް އިތުރުވެފައިވާތީ އެކަމަށް ހައްލު ހޯދުމަށް އޮންލައިންކޮށް "އޭންޓް ކިޔޫ" އެޕްލިކޭޝަން މެދުވެރިކޮށް ކިޔު ނަމްބަރު ނެގޭ އެޕްލިކޭޝަނެއް މިދިޔަ މެއި މަހު ވަނީ ތައާރަފްވެސް ކޮށްފަ އެވެ.