ހަށިގަނޑު ހާމަކޮށްގެން ކުރާ މަސައްކަތަކުން ލިބޭ ހަގީގީ ރީތި ނަމެއް ނެތް: ރައީސް

އަހުމަދު ނިހާން

30 އޮކްޓޫބަރ 2024 - 22:32

0 comments

ހަށިގަނޑު ހާމަކޮށްގެން ކުރާ މަސައްކަތަކުން ލިބޭނެ ރީތި ނަމެއް ނެތް ކަމަށް ރައީސް ޑރ. މުޙައްމަދު މުއިއްޒު މިރޭ ވިދާޅުވެއްޖެ އެވެ.

ދުނިޔޭގެ ގިނަ ގައުމުތަކަކުން ބައިވެރިވާ ރީތީގެ މުބާރާތުގައި ރާއްޖޭގެ ނަމުގައި ދިވެއްސަކު ބައިވެރިވި މިއީ ފުރަތަމަ ފަހަރެވެ. މިފަދަ މުބާރާތްތަކާއި ހަރަކާތްތަކުގައި ދިވެހިން ބައިވެރިވުމަކީ ބަލައިގަންނާނެ ކަމެއް ނޫން ކަމަށް ބުނެ ޔޫތު މިނިސްޓްރީން މިއަދު ވަނީ ބަޔާނެއް ނެރެފަ އެވެ.

އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ ފިރިހެނަކު ވިޔަސް، އަންހެނަކު ވިޔަސް، މާތް ﷲ ރުހިވޮޑިގެންނުވާ ގޮތަކަށް ހަށިގަނޑު ހާމަކޮށްގެން ކުރާ މަސައްކަތަކުން ނުވަތަ ބައިވެރިވާ ކުޅިވަރަކުން، ތިމާއަށް ނުވަތަ ތިމާގެ ދީނާއި ގައުމަށް ވެސް ލިބޭނެ ހަގީގީ ރީތިނަމަކާއި އުފަލަކާއި ކާމިޔާބީއެއް ނެތް ކަމަށެވެ.

ދުނިޔޭގެ އެކި ގައުމުތަކުން ވާދަކޮށް، ރީތީގެ ރާނީ ހޮވުމަށް ބާއްވާ މިސް ޔުނިވާސްގައި ފުރަތަމަ ފަހަރަށް ރާއްޖެއިން ބައިވެރިވެ، ރާއްޖެ ތަމްސީލުކުރާނީ އުމުރުން 21 އަހަރުގެ މޮޑެލް، މަރިޔަމް ޝައިނާ ނަސީމެވެ.

އިންޑިއާގައި ހުންނަ މެކްސިކޯގެ އެމްބަސީން އިއްޔެ 'އެކްސް'ގައި ކުރި ޕޯސްޓެއްގައި ވަނީ، މިސް ޔުނިވާސް ރީތީގެ މުބާރާތުގައި ބައިވެރިވާ މަރިޔަމް ސައިނާ ނަސީމްއަށް ވިސާ ހަމަޖައްސައިދިން ކަމަށް ބުނެފަ އެވެ.