އެމެރިކާއަށް އިމްޕޯޓުކުރާ ރާއްޖޭގެ މުދަލަށް ޓެރިފް ބޮޑުކޮށްފި

ހަސަން ހަލީމް

03 އޭޕްރީލް 2025 - 20:04

0 comments

އެމެރިކާއަށް އިމްޕޯޓު ކުރާ ރާއްޖޭގައި އުފައްދާ މުދަލުން 10 ޕަސެންޓުގެ ޓެރިފެއް ނަގަން ހަމަޖެހިފައިވާކަން އެ ގައުމުގެ ރައީސް ޑޮނާލްޑް ޓްރަމްޕް އިއުލާނު ކުރައްވައިފި އެވެ.

އެމެރިކާގެ ވައިޓް ހައުސް އިން ވަނީ އެކި ގައުމުތަކުން އެމެރިކާއަށް އިމްޕޯޓްކުރާ މުދަލުން ނަގާ އާ ޓެރިފް ރޭޓްތައް އާންމުކޮށްފަ އެވެ.

ރާއްޖެއިން މައިގަނޑު ގޮތެއްގައި އެމެރިކާއަށް އެކްސްޕޯޓު ކުރަނީ މަހުގެ ބާވަތްތަކެވެ. އެމެރިކާގެ ސަރުކާރުން ހާމަކޮށްފައިވާ ތަފާސްހިސާބުތަކަށް ބަލާއިރު އެ ގައުމަށް ރާއްޖެއިން 17 މިލިއަން ޑޮލަރުގެ މުދާ 2022 ގައި އިމްޕޯޓުކުރި އެވެ.

ކަސްޓަމްސްގެ ހިސާބުތަކުން ދައްކާ ގޮތުން މިދިޔަ އަހަރު ރާއްޖެއިން އެމެރިކާއަށް ގާތްގަނޑަކަށް 4 މިލިއަން ޑޮލަރުގެ މަސް އެކްސްޕޯޓުކޮށްފައިވެ އެވެ. އޭގެ ތެރޭގައި ކަޅުބިލަ މަހާއި ކަންނެލީގެ އިތުރުން ހުއިފިލަނޑާ ވެސް ހިމެނެ އެވެ.