ކަނޑު ހޯދުމުގެ ވައުދާ އެކު ޔާމީން 2028 ގައި ވާދަކުރައްވަނީ

އިސްމާއިލް ރިޒާ

07 ނޮވެމްބަރ 2024 - 17:04

0 comments

ފޮޓޯ: ރާއްޖެ ޓީވީ

ދެން އޮންނަ ރިޔާސީ އިންތިހާބެއްގައި ވާދަކުރައްވާނެ ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެ އެވެ.

ގެއްލުނު ކަނޑުގެ މައްސަލައާއި ރާއްޖޭގައި ތިބި އިންޑިއާ ސިފައިންގެ މައްސަލައިގައި ޔާމީން މީގެ ކުރިން ވެސް ވަރަށް ބޮޑަށް ނުރުހުން ފާޅުކުރައްވަ އެވެ.

ރާއްޖެ ޓީވީއަށް ދެއްކި ހާއްސަ އިންޓަވިއުއެއްގައި އަންނަ ރިޔާސީ އިންތިޚާބާ ގުޅޭ ގޮތުން ކުރި ސުވާލަކަށް ޖަވާބުދެއްވަމުން ވިދާޅުވީ، އަންނަ އިންތިޚާބު އަންނައިރުގައި ވެސް އެ މަނިކުފާނު ޖަލަށްލައިފާނެ ކަމަށް ގަބޫލުކުރެއްވޭ ކަމަށެވެ.

"އަޅުގަނޑު ކުރިމަތިލުމުގައި އޮތީ މައިގަނޑު ތިން ކަމެއް. އެންމެ ބޮޑު ކަމަކީ ފޯޅަވަހި ކަނޑުގެ ސަަރަހައްދު ހޯދުމާއި، އަދި ހޯދޭ ކަަމަށް ވަންޏާ ފޯޅަވަހި ހޯދުމަށް ކުރަން ޖެހޭ އެންމެހާ މަސައްކަތްތަކެއް ކުރުން. މި ސަރުކާރު އެއް އަހަރު ވެގެން ދިޔައީ އިޓްލޮސްގެ ނެތް ސިޓީއެއް، ކުރީގަ ނިންމާފައި އޮތް ނިންމުން ތިމަންނަމެން އިހުތިޖާޖު ކުރަމޭ،" މިހާރުގެ ސަރުކާރަށް ވަރަށް ބޮަށް ފާޑު ވިދާޅުވަމުން ގެންދަވާ ޔާމީން ވިދާޅުވި އެވެ. "ދެން އޮތީ އިންޑިއާ އަސްކަރިއްޔާ މިތަނުން ބޭލުން. މި ދެ ކަންތައް ޙައްލު ކުރުމަށްޓަކައި ވެސް، އަޅުގަނޑު ބޭނުންވޭ ޚިދުމުގެ ފުރުސަތު ލިބުން."

މިދިޔަ އަހަރުގެ ރިޔާސީ އިންތިހާބުގައި ޔާމީނަށް ޕީޕީއެމްގެ ރިޔާސީ ޓިކެޓް އެރުވި އެވެ. އެކަމަކު އިންތިހާބުގައި ވާދަކުރެއްވުމުގެ ފުރުސަތު ގެއްލުނީ ޖަލު އިއްވި ޖަލު ހުކުމަކާ ގުޅިގެންނެވެ.