ތައުލީމަށް ހިދުމަތްކުރުމުގެ އެންމެ މަތިވެރި ޝަރަފް ޑރ. ޒާހިރަށް

މަރިޔަމް އަނާ

11 ނޮވެމްބަރ 2024 - 09:26

0 comments

ދިވެހިރާއްޖޭގެ ތަޢުލީމަށް ހިދުމަތްކުރުމުގެ އެންމެ މަތިވެރި ޝަރަފު، ނިޝާން އިއްޒުއްދީނުގެ އިއްޒަތުގެ ވެރިޔާ އަދި ދިވެހިރާއްޖޭގެ އިސްލާމީ ޔުނިވަސިޓީގެ ޗާންސެލަރު ޑރ. މުޙައްމަދު ޒާހިރު ޙުސައިނަށް ރައީސް، ޑރ. މުހައްމަދު މުއިއްޒު ރޭ އަރުއްވައިފި އެވެ.

ޒާހިރު ޝަރަފު އެރުވުން އޮތީ ޖުމްހޫރީ ދުވަހާ ގުޅުވައިގެން ރޭ ދަރުބާރުގޭގައި ބޭއްވި ރަސްމީ ޖަލްސާ ގައެވެ.

ޑރ. ޒާހިރަށް ޝަރަފް އެރުވުމުގެ ގޮތުން ޝަރަފްގެ އައްޑަނައާއި ޝަރަފްގެ މެޑަލް ހަވާލުކޮށްދެއްވީ ރައީސް ޑރ. މުހައްމަދު މުއިއްޒު އެވެ.

ޑރ. ޒާހިރު ހުސައިނަށް މި ޝަރަފް އެރުވުމަށް ރައީސް ނިންމެވީ، ރާއްޖޭގެ ތައުލީމީ ތަރައްގީއަށާއި، ރާއްޖޭގައި ތައުލީމު ފުޅާކުރެއްވުމަށާއި، ތައުލީމީ ރޮނގުން ރާއްޖޭގެ ރައްޔިތުން ހޭލުންތެރިކުރެއްވުމަށް އިޚްލާސްތެރިކަމާއެކުގައި، ގިނަގުނަ ހިދުމަތްތަކެއް ކޮށްދެއްވާފައިވާތީ، އެކަމުގެ އަގު ވަޒަންކުރެއްވުމުގެ ގޮތުން ކަމަށް ރައީސް އޮފީހުން މައުލޫމާތު ދީފައިވެ އެވެ.

އެއަށްފަހު ރައީސް މައުމޫންގެ ޚާއްސަ މުސްތަޝާރުގެ މަގާމު ވެސް އަދާކުރެއްވިއެވެ.

ޒާހިރަކީ ނޫސްވެރިކަމުގެ ދާއިރާގައި ވެސް ޚިދުމަތް ކުރައްވައިފައިވާ ބޭފުޅެކެވެ. އެގޮތުން 1979 ވަނަ އަހަރުން 2016 ވަނަ އަހަރުގެ ނިޔަލަށް ނެރުނު ދުވަހު ނޫސް ހަވީރުގެ މަސްއޫލު ވެރިޔަކަށް ހުންނެވިއެވެ. އޭނާ ތަފާތު މައުޟޫތަކަށް ނޫސްތަކާއި މަޖައްލާތަކަށް ލިޔުއްވައިފައިވެ އެވެ.