ރޯދަ މަހަށް ކޮންމެ ގެއަކަށް ހިލޭ މަސް ކޭހެއް ދެނީ

އިސްމާއިލް ރިޒާ

17 ނޮވެމްބަރ 2024 - 22:09

0 comments

ކުރިއަށް އޮތް ރަމަޟާން މަހު ކޮންމެ ގެއަކަށް ވެސް ހިލޭ މަސް ކޭހެއް ދިނުމަށް ރައީސް ޑރ. މުހައްމަދު މުއިއްޒު ނިންމަވައިފި އެވެ.

މީގެ އެއް އަހަރު ކުރިން، 17 ނޮވެމްބަރު 2023ގައި ވެރިކަމަށް ވަޑައިގެންނެވި ރައީސް މުއިއްޒު މިކަން އިއުލާން ކުރެއްވީ، ސަރުކާރަށް އެއް އަހަރު ފުރުމުގެ މުނާސަބަތުގައި ޝޯޝަލް ސެސްޓަރުގައި ބޭއްވި ހާއްސަ ރަސްމިއްޔާތުގަ އެވެ.

ރައީސް ވިދާޅުވީ ގޭބިސީއަކަށް މަސްދަޅު ކޭހެއް ދިނުމަށް ވާންޖެހޭ ތައްޔާރީތައް އެސްޓީއޯ މެދުވެރިކޮށް ވަމުންދާ ކަމަށެވެ.

ސަރުކާރުން ވަނީ މިދިޔަ ރޯދަ މަހު ކޮންމެ ގޭބިސީއަކަށް ހަނޑޫ އަދި ފުށް ބަސްތާއެއް ދީފަ އެވެ.

މީގެއިތުރުން މިދިޔަ ރޯދަ މަހު ސަރުކާރުން ވަނީ ފެން ބިލާއި ކަރަންޓް ބިލަށްވެސް ޑިސްކައުންޓް ދީފަ އެވެ.

ރައީސްގެ މިރޭގެ ވާހަކަފުޅުގައި މިދިޔަ ރޯދަ މަހު ސަރުކާރުން ދިން ކާޑުގެ ބާވަތްތަކާއި ކަރަންޓާއި ފެނުގެ ޑިސްކައުންޓް ކުރިއަށް އޮތް ރޯދަ މަހު ދޭނެ ކަމަކަށް ސާފުކޮށް ވިދާޅުވެފައެއް ނުވެ އެވެ.